Sen. Marcoleta naka-wheelchair, bullet proof vest pagdating sa UP-PGH!-Balita

Sen. Marcoleta naka-wheelchair, bullet proof vest pagdating sa UP-PGH!

By Mc Vincent Mirabuna

July 14, 2026

Dumating nang naka-wheelchair at may suot na protective vest si Sen. Rodante Marcoleta sa University of the Philippines–Philippine General Hospital (UP-PGH) nitong Martes, Hulyo 14, 2026, upang ikonsulta ang kaniyang kasalukuyang kalagayan.

Sa naging pahayag naman ni Philippine National Police - Criminal Investigation and Detection Group (PNP-CIDG) National Capital Region (NCR) Chief PCol. John Guiagui sa panayam sa kaniya ng media nito ring Martes, ipinaliwanag niyang layunin lang daw nilang maging komportable si Marcoleta kaya ito gumamit ng wheelchair.

Matatandaan kasing nakitaan ng mild pneumonia si Marcoleta sa isinagawang mga medical test ng PNP-General Hospital noong Hulyo 8 at hindi raw maikakailang nakakita raw sila ng mga totoong findings kaugnay sa kalagayan ng senador.

KAUGNAY NA BALITA: Sen. Marcoleta, tinamaan ng mild pneumonia!

“Alam n’yo naman, noong una pa lang, sinasabi niyang naninikip ‘yong dibdib niya. So to ease the stress or anything na ano is we make it comfortable for him,” pagsisimula ni Guiagui.

Anang hepe, maayos naman daw ang proseso ng naging pagpapaliwanag nila sa pamilya ni Marcoleta kaugnay sa pagdadala nila sa senador sa UP-PGH.

Paglilinaw ni Guiagui, magsasagawa lang daw ng medical evaluation ang UP-PGH kaugnay sa kasalukuyang sitwasyon ng kalusugan ni Marcoleta, upang malaman daw nila kung magiging “fit to travel” na ang senador na iharap sa Korte sa darating na Miyerkules, Hulyo 15.

“Naging maayos naman. Actually, I speak with his family a while ago bago natin siya dalhin dito. Ipinaalam lahat kung ano ‘yong mga procedure ng mga gagawin,” aniya.

Dagdag pa niya, “And we will just be waiting kung ano ‘yong mga result ng medical evaluation ng PGH as to the situation or the medical condition of Sen. Marcoleta.”

Pagpapatuloy ni Guiagui, pinagsuot naman daw nila ng protective vest si Marcoleta upang masigurado nilang walang anomang masamang bagay ang mangyayari sa senador bilang kanilang precautionary measure.

“We don’t want anything to happen. Those are just precautionary measures,” pagtatapos pa niya.

Samantala, hindi naman nagbigay ng pahayag o tugon si Marcoleta sa media sa naging pagdating niya sa UP-PGH.

KAUGNAY NA BALITA: Marcoleta sa mga tagasuporta: ‘Muli tayong magkikita-kita’

'Baka may pinagdadaanan!' Sen. Robin, inintindi na lang talak sa kaniya ni Angel Locsin!

Nagkomento na si Sen. Robin Padilla hinggil sa kontrobersyal na social media post sa kaniya ng aktres na si Angel Locsin hinggil sa naging pag-amin ng senador na pagiging komunista raw niya. Sa isang panayam sa Sonshine Media Network International (SMNI) kamakailan, sinabi ni Padilla na pareho nilang napag-usapan ng kaniyang asawang si Mariel Padilla ang naging pahayag ni Locsin at nagpasyang...

DepEd, iniimbestigahan na pagkasawi ng Grade 3 learner sa Davao City

Masusi nang iniimbestigahan ng Department of Education (DepEd) ang pangyayari sa likod ng trahedyang pagpanaw ng isang Grade 3 learner sa Agdao District, Davao City, noong Miyerkules, Hulyo 22. Sa inilabas na pahayag ng DepEd nitong Sabado, Hulyo 25, tiniyak nilang naipatutupad ang karampatang child protection at due process sa mga batang kabilang sa imbestigasyon habang umaandar ang mga...

De Lima kinondena 'death threats,' pagpatay kay Mima Alicia!

‘Killings and death threats must never be normalized!” Umalma si Mamamayang Liberal (ML) Partylist Rep. Leila de Lima sa mga wala umanong pakundangan na pagbabanta sa buhay ng sa social media at pati na rin sa naging pagpatay sa political content creator na si Alicia Lipata o kilala rin bilang “Mima Alicia.” Matatandaang bandang 3:06 ng madaling-araw noong Hulyo 17, 2026, nang...