Walang patumanggang binanatan ni Pinoy Big Brother: Celebrity Collab Edition” 2nd Big Placer Ralph De Leon sina dating Pangulong Rodrigo Duterte at Sen. Ronald “Bato” dela Rosa.
Sa isang episode ng “YSpeak 2.0” kamakailan, hiniling ni Ralph na sana mapanagot na ang lahat ng kriminal.
Ito ay matapos marinig ang mga kuwentong ibinahagi ni 2025 Ramon Magsaysay Awardee Fr. Flavie Villanueva na tumulong sa mga pamilya at biktima ng giyera kontra droga ni Duterte sa pamamagitan ng Paghilom program.
"Ito 'yong pinakamahirap na episode para sa akin not only sa debate,” saad ni Ralph. “But again, listening to the stories na sine-share ni Fr. Flavie. Grabe, ang dream ko lang talaga, ang wish ko lang ay mabigyan ng hustisya ang lahat.
“Managot lahat ng kriminal whether it's Duterte sa ICC [International Criminal Court] or si Bato na nagtatago. Na kung ikaw talaga ay inosente, kung sinasabi mong inosente ka, bakit ka pa tumatakbo. Bakit ka pa nagtatago? Binabalahura mo pa 'yong Senado. So, please never again,” dugtong pa niya.
Claudia Barretto, pinatatanggal na raw apelyidong 'Baldivia;' Dennis Padilla, sad Papa!
Kasalukuyang nakapiit sa The Hague, Netherlands si Duterte dahil sa kinakaharap nitong crimes against humanity habang si dela Rosa naman ay nagtatago matapos kumpirmahin ng ICC na opisyal ang arrest warrant na lumitaw sa media laban sa kaniya.
Nakatakda nang simulan ng ICC sa Nobyembre 30, 2026 ang paglilitis kay Duterte.
Kaugnay na Balita: ICC naghahanap ng Tagalog, Cebuano interpreter
