'Bato, sumuko ka na!' Akbayan Youth, nagpakalat ng 'wanted' posters ni Dela Rosa-Balita

'Bato, sumuko ka na!' Akbayan Youth, nagpakalat ng 'wanted' posters ni Dela Rosa

By Vincent Gutierrez

May 18, 2026

Nagdikit at nagpamudmod ng wanted posters ang grupong Akbayan Youth sa kahabaan ng Kalayaan Avenue sa Quezon City, para ipanawagan ang ganap na pagsuko ni Sen. Ronald “Bato” dela Rosa.

Kasunod ito ng inisyung warrant of arrest ng International Criminal Court (ICC) laban sa kaniya para sa kasong crimes against humanity of murder.

Ayon sa isang pahayag na ibinahagi ni Akbayan Youth National Vice Chairperson Claire Lopez, hindi raw maaaring takasan na lamang ni Dela Rosa ang umano’y pananagutan niya sa batas.

“Hinding-hindi puwedeng paulit-ulit na lang na tinatakbuhan ni Bato ang pananagutan habang patuloy na naghihintay ng hustisya ang libo-libong pamilyang naiwan ng madugong drug war. Kitang-kita na inaabuso nila ang lahat ng ating demokratikong institusyon para pagtakpan ang sarili nilang mga kasamahan,” saad ni Lopez sa kaniyang pahayag.

Aniya, ang panawagang pagsuko ni Dela Rosa ay hindi lamang para sa biktima ng extrajudicial killings (EJK), bagkus para din sa sambayanang Pilipino.

“Hindi lang ito laban ng mga biktima ng EJK kundi laban ng sambayanang Pilipino para sa katotohanan at pananagutan. Nananawagan kami sa publiko, makiisa sa people’s manhunt laban kay Bato dela Rosa. Huwag nating hayaang maglaho siya sa likod ng kapangyarihan at impluwensiya. Bato, sumuko ka na! Inuusig ka na ng mamamayan. Harapin mo ang hustisya,” aniya.

Samantala, sa parehong protesta, umapela rin ang grupo para naman sa isasagawang impeachment trial ng Senado kay Vice President Sara Duterte ngayong Lunes, Mayo 18.

KAUGNAY NA BALITA: Nasa 900 pulis, naka-deploy sa paligid ng Senado sa pag-convene ng impeachment court-Balita

Matatandaang hinamon din kamakailan ni Ombudsman Jesus Crispin “Boying” Remulla si Dela Rosa na harapin ang mga paratang na ibinabato sa kaniya.

“Nagtataka ako sa kaniya naging chief PNP siya, tumatakbo siya sa batas. Humarap siya! Nagkagulo-gulo ‘yong mundo e, managot ka sa iyong mga gawain, sagutin mo ‘yong mga…sabihin mo kung wala ka talagang kasalanan, harapin mo! Anong klaseng tao ‘yan?” hamon ni Remulla kay Dela Rosa sa isinagawang press briefing ng Office of the Ombudsman kamakailan.

KAUGNAY NA BALITA: Dating PNP chief, tumatakbo sa batas? Ombudsman, hinamon Dela Rosa na harapin mga paratang laban sa kaniya-Balita

Sey ng NBI: 'Fugitive Senator Dela Rosa will be arrested whether he likes it or not'

Inihayag ng National Bureau of Investigation (NBI) na aarestuhin nila si Senador Ronald 'Bato' Dela Rosa, kasunod ng go signal mula sa Department of Justice (DOJ) tungkol sa arrest warrant ng International Criminal Court (ICC) laban sa senador, Huwebes, Mayo 21. Matatandaang kinumpirma ni DOJ Spokesperson Atty. Polo Martinez na may hiling na ang ahensya para sa Red Notice sa Interpol...

'Sino ba 'to?' Sen. Robin, may makahulugang post tungkol sa 'Tarat'

Isang makahulugang post ang ibinahagi ni Senador Robin Padilla na tungkol sa isang ibon na 'Tarat.' 'May Isang Tarat na dati ay nahawla, Ayaw na pakawalan ng umangkin sa kanya pero dahil may mga nakiusap para mapalaya ang tarat na ito,muli siyang nakabalik sa kanyang pugad,' saad ni Padilla sa kaniyang Facebook post nitong Huwebes, Mayo 21. 'Kakaiba ang tarat na ito...

'We will comply!' SILG Remulla, kikilos na sa pag-aresto kay Sen. Bato

Iginiit ni Department of the Interior and Local Government (DILG) Sec. Jonvic Remulla na handang sumunod ang kanilang ahensya sa pagpapatupad ng warrant of arrest na inilabas ng International Criminal Court (ICC) laban kay Sen. Ronald “Bato” dela Rosa. “The DILG will adhere to its mandate. If the lawful authorities have given validity to the warrant then we will comply and enforce,” ayon...