Marami ang nagulat na umeere na rin ang ABS-CBN noontime show na "It's Showtime" sa ALLTV Channel 2, nitong Lunes, Hunyo 18.
Ang ALLTV ay TV network na pagmamay-ari ni dating senador Manny Villar, na kinikilala bilang richest Filipino ng Forbes.
Ang frequency na ginagamit ng ALLTV ay Channel 2 na dating naka-assign sa ABS-CBN, noong may prangkisa pa sila.
Bukod sa Kapamilya Online Live sa YouTube channel, Kapamilya Channel, at cable channels, mapapanood na rin sa apat na free TV channels ang It's Showtime: ito ay ang GMA Network, GTV, A2Z, at ALLTV.
Nagulat ang mga netizen sa balitang ito dahil walang bonggang-bonggang announcement patungkol dito, kagaya ng ginawa nang umere sa mga nabanggit na TV stations ang noontime show.
