Inamin ng komedyanteng si Divine Tetay na isa raw siyang apolitical o hindi nakikialamsa anomang usaping pampolitika.
Nagsilbing guest kasi si Tetay sa isang episode ng vodcast na “Your Honor” ng GMA Network kamakailan. Naitanong dito kung sinong senador ang papatayan niya ng mikropono sakaling audio man siya sa impeachment trial sa Senado.
“Naku po,” sabi ni Tetay. “‘Yan pa naman ang ina-avoid ko. Alam mo, that’s really hard to answer.”
“I hardly watch the news nowadays because every time you watch it something like not good. Ano ba ‘to? Diyos ko naman,” dugtong pa niya.
Urirat tuloy ni Chariz Solomon, “So, apolitical ka na?”
Ogie Diaz, bet patakbuhin Bise Presidente si Sen. Erwin Tulfo
“Yeah, I’m apolitical,” sagot niya. “Madami kami sa bahay, we’re apoliticals. Hindi mo na alam kung sino nagsasabi ng totoo. Bahala na kayo diyan.”
Kaya ipinagpapasa-Diyos na lang daw niya ang lahat.
"The only thing I do, I still pray for them everyday," anang komedyante.
Umani tuloy ng samu’t saring reaksiyon mula sa mga netizen ang nasabing video clip sa X. Narito ang ilan sa kanilang mga komento:
"Now, gets ko na bat ayaw siyang gawing main host da Its showtime pag wala si meme. Apolitical para di mawalan ng mga raket ahahah."
"Ay alam na kapag apolitical. Closeted dds yan. Haha"
"If you're still apolitical, you are part of the problem. Pick a damned side."
"Eww Divine Tetay. So, hindi nya naappreciate yung pagseek ng hustisya out of that impeachment hearing? Itchura ni Mikoy, halatang disappointed."
"ang sad makakita ng apolitical tbh - people are dying and drowning tapos kahit konti wala kang pake."
"masyadong pasafe"
Matatandaang hayagang sinuportahan ni Tetay ang kandidatura sa pagkapangulo ni dating Vice President at ngayo'y Naga City Mayor Leni Robredo noong kampanyahan para sa 2022 presidential elections.
