'Tunay pong atin ang WPS!' Tarriela, pinasalamatan si PBBM-Balita

'Tunay pong atin ang WPS!' Tarriela, pinasalamatan si PBBM

By Mc Vincent Mirabuna

April 01, 2026

Pinasalamatan ni Philippine Coast Guard (PCG) spokesperson Rear Admiral Jay Tarriela si Pangulong Ferdinand “Bongbong” Marcos, Jr., sa pag-uutos nitong bigyan Philippine names ang aabot sa 131 maritime features sa Kalayaan Island Group (KIG), Palawan, at West Philippine Sea (WPS).

Alinsunod ito sa Executive Order (EO) 111 ng Pangulo na inissue noong Marso 26 at na-release noong Martes, Marso 31, 2026, kung saan magbibigay ang pamahalaan ng Philippine name sa aabot sa 131 maritime features na matatagpuan sa KIG, Palawan, at WPS base sa rekomendasyon ng National Maritime Council (NMC).

Ayon naman sa naging pahayag ni Tarriela sa kaniyang social media platform nitong Miyerkules, Abril 1, 2026, nagawa niyang magpasalamat kay PBBM.

Ani Tarriela, totoo raw na pagmamay-ari ng Pilipinas ang WPS at hindi umano kailanman ipamigay ang KIG.

“Maraming Salamat po, Pangulong Bongbong Marcos!” pagsisimula niya.

Screenshot mula sa post ni Tarriela.

“Tunay pong atin ang West Philippine Sea at dapat po nating tindigan ang Kalayaan Island Group at kahit kailanman ay hindi dapat itong ipamigay!” pagtatapos pa niya.

Kaugnay nito, matatandaang nagawang patutsadahan ni Tarriela ang mga Pilipinong tila mas masahol pa raw sa hayop dahil sa pagdududa ng mga ito sa legal na batayang nagpapatibay sa WPS.

Sa Facebook post ni Tarriela noong Marso 13, 2026, sinabi niyang tila raw mas masahol pa sa hayop ang isang Pilipino, anoman ang katayuan nito sa lipunan, na nagpapalabo sa usapin sa WPS at nagdududa sa legal na batayang nagpapatunay na sa Pilipinas ang karagatang ito.

“Subalit kung ikaw ay Pilipino kung nasa publiko man o pribado at pinalalabo mo ang usapin sa WPS at pinagdududahan mo ang ating legal na batayan ay mas masahol ka pa sa hayop,” pagtatapos niya.

KAUGNAY NA BALITA: 'Pinagdududahan mo legal na batayan, masahol ka pa sa hayop!'—PCG Spox Tarriela

KAUGNAY NA BALITA: PCG spox Jay Tarriela, narating posisyon nang walang backer

Malalakas na bagyong dulot ng habagat, Super El Niño posible sa Hunyo hanggang Agosto!—PAGASA

Posible umanong makaranas ng malalakas na bagyo ang Pilipinas mula Hunyo hanggang Agosto ayon sa Philippine Atmospheric, Geophysical and Astronomical Services Administration (PAGASA) kaya pinaghahanda na ang publiko hinggil dito. Ayon sa PAGASA, sa ulat naman ng '24 Oras' ng GMA Network, posibleng mabuo ang malalakas na bagyong ito sa pagsasanib-puwersa ng habagat at Super El Niño....

'Nagsagip sa mga buhay sa Senado!' Sen. Robin, ibinida si Mao Aplasca

Nagbigay ng matinding depensa si Sen. Robin Padilla para kay Sergeant-at-Arms Mao Aplasca kasunod ng naganap na kaguluhan sa Senado noong nakaraang linggo. Sa isang Facebook post, iginiit ni Padilla na si Aplasca umano ang naging dahilan upang maiwasan ang mas malalang insidente at pagkawala ng buhay sa loob at labas ng Senado. “Ang taong ito ang nagsagip sa mga buhay ng nasa loob at labas ng...

'Lord heal our land!' SP Alan, Sen. Mark, Sen. Jinggoy pinag-pray over ng bishop

Ibinahagi ni Bishop Oriel Ballano ang naging pagbisita niya sa Senado kung saan ipinagdasal niya ang ilang mga senador, nitong Martes, Mayo 19. Sa kaniyang social media post, sinabi ni Ballano na nagtungo sila ng kaniyang mga kasamang pastor sa Senate House upang dalawin at ipanalangin si Senate President Alan Peter Cayetano, gayundin ang dalawa pang senador na sina dating Senate President Pro...