Nakita nang muli ni comedy queen Ai Ai Delas Alas ang isa sa mga anak-anakan niya sa showbiz industry na si Jiro Manio.
Sa ulat ng GMA Integrated News nitong Linggo, Oktubre 27, nangyari ang muling pagkikita ng dalawa sa latest episode ng “My Mother, My Story” ni Asia’s King of Talk Boy Abunda.
Ayon kay Jiro, na-touch daw siya dahil ngayon na lang ulit sila nagkita ni Ai Ai makalipas ang mahabang panahon.
“Sa kabila po ng mga tulong na ibinigay sa akin, mga pag-alala, 'yong mga hindi ko makakalimutang pinagsamahan natin noon,” aniya.
Regine, nakatanggap ng apology letter matapos maetsa-pwera sa billing ng MYX Global
Dagdag pa ng dating child actor: “Kumbaga, mas pinili ko pong magbago hindi lang para sa sarili kundi para sa mga naging inspirasyon ko po tulad po ni Mommy Ai."
Pero bago pa man ito, nauna nang maghayag ng interes si Ai Ai na makasama ulit si Jiro kung bubuo ulit siya ng bagong pelikula.
MAKI-BALITA: Ai Ai Delas Alas, bet bumalik sa pelikula si Jiro Manio
Matatandaang umalingawngaw muli ang pangalan ni Jiro matapos niyang lapitan ang social media personality na si Boss Toyo noong Enero para ipagbili ang natanggap niyang trophy sa prestihiyosong Gawad Urian dahil sa hirap daw ng buhay.
MAKI-BALITA: Jiro Manio no choice na, ibinenta Urian trophy dahil sa hirap ng buhay
