ni Bert de Guzman
Isinusulong ng isang mambabatas mula sa Mindanao ang unti-unting pagpapairal ng face-to-face classes sa mga kolehiyo, pamantasan at senior high schools sa mga lugar na nasa ilalim ng modified general community quarantine (MGCQ) simula ngayong summer.
Sinabi ni Misamis Oriental Rep. Julliete Uy, isasagawa ang face-to-face classes sa kondisyong ipatutupad at dapat sundin ng mga mag-aaral ang minimum health protocols.
“Schools are both education and economic entities. I ask the (Inter-Agency Task Force for the Management of Emerging Infectious Diseases) IATF to allow the gradual reopening of the campuses of colleges, universities, and senior high school starting the coming summer term in MGCQ areas, provided strict minimum health protocols are followed,” ani Uy.
Research vessels ng BFAR, binomba ng tubig at ginitgit ng Chinese Coast Guard
Kamakailan, pinayagan ni Pangulong Rodrigo Duterte ang resumption ng limitadong face-to-face classes para sa medical at allied health programs sa mga institusyon na nasa general community quarantine (GCQ) at MGCQ areas.
