MASAYA na sana ang cast ng Prima Donnas dahil balik-taping na sila, kaya lang, may kahalong lungkot dahil kulang na ang Donnas. Hindi kasi pinayagang magpatuloy mag-taping ang isa sa mga bida at gumaganap sa role ni Donna Lyn Claveria o Len Len dahil 14 years old pa lang ito at ang pinapayagan lang mag-taping ay edad 15 years old pataas.
Lock-in taping pa rin ang naganap sa Prima Donnas at sa photo na pinost ni Chanda Romero, makikita ang masayang reunion ng cast sa first day taping.
Sa video naman na pinost ni Althea Ablan, makikitang magkakalayu-layo ang cast habang wala pang kinukunang eksena. Si director Gina Alajar nga, nakasuot pa ng tamang protective gear. Bago bumalik ng taping, sumailalim din silang lahat sa swab testing.
Napapanood ngayon sa GMA-7 ang catch-up episodes ng Prima Donnas pagkatapos ng Ika-6 Na Utos at saka papasok ang fresh episodes ng hit Afternoon Prime.
