Aabot sa 300 international delegates, composed of filmmakers, TV producers, actors at TV hosts ang darating sa bansa para sa 24th Asian Television Awards na gaganapin sa Newport Performing Arts Theater ng Resorts World Manila sa Pasay City mula Enero 10 hanggang 12. Ito ang kauna-unahang pagkakataon na mangyayari sa Pilipinas ang nasabing yearly entertainment event.
Sa Enero 11 ang dating ng Thai actor na si Chanon Santinatornkul na nominado bilang Best Actor in a Leading Role for his performance in Bangkok Love Stories: Plead. Kasama rin siya sa hit movie na Bad Genius na ipinalabas noong 2017. Gayundin sina Poonpat Atthapunyapol, Attaphan Phunsawat, at Purim Rattanaruangwattana. Super sikat ang tatlo sa Thailand and all over Asia ang kanilang supporters.
Darating din ng Taiwanese stars na Lawrence Liu at Lin Ming Zue na mga nominado sa pagka-Best Actor in a Supporting Role.
Sofia Andres, naghahanap ng PA na 'kayang basahin nasa isip' niya
Magtatanghal naman ang singer/rapper na si Zizan Razak, isa sa pinakasikat na Malaysian celebrity, sa awards night kasama ang Indonesian/K-Pop girl group na Cherry Bullet at ang Indonesian singer-songwriter na si Anggun.
Kasama rin sa mga nominado sa pagka-Best Actress in a Supporting role ang kilalang Vietnamese star na si Phi-Huyen Trang at ang Thai actress na si Anyarin Terathananpat.
Darating din sa bansa ang Chinese-British singer/songwriter na si Tien Chong, ang nakatunggali ni KZ Tandingan sa singing search na China Singer 2018.
Ang iba pang rarampa sa red carpet ng 2020 Asian TV Awards ay sina Chanya McClory (ng Thai Netflix original series na The Stranded), Singaporean actor Benjamin Josiah, Malaysian actress Ruhainies Farehah, Thai actresses Machida Sutthikulphanich (ng digital TV series na Abandoned), Tisanart Sornsuek at Sutatta Udomsilp (parehong Best Actress in a Leading Role nominees), Vietnamese singer Hoang Yen Chibi at Taiwanese actor William Hsieh (bida ng Taiwanese show na First Love).
Ang local actors/performers na rarampa sa 24th Asian Television Awards ay sina Martin del Rosario, Jona, Kiana Valenciano, Diana Zubiri, female pop group na 4th Impact, theater actor na si Arman Ferrer, Kris Lawrence at marami pang iba.
Ang tickets para sa 24th Asian Television Awards ay available na sa www.ticketworld.com.ph.
-REGGEE BONOAN
