Balik-teleserye na si Marian Rivera dahil kahapon, nakipag-usap na siya at ang management team niya sa pangunguna nina director Mike Tuviera at Rams David, sa GMA-7 para sa gagawing teleserye.
May working title na First Yaya ang gagawing teleserye ni Marian na next year na siguro ang airing. Hindi na in-announce ang director at kung sino ang makakasama ni Marian sa kanyang teleserye. Hindi kami magugulat kung makasama sa cast si Kisses Delavin dahil pareho na sila ng management ni Marian.
Kung next year ang airing ng First Yaya, ibig sabihin, magsasabay ang airing ng teleserye nina Marian at teleserye ni Dingdong Dantes. Maganda ito, may teleserye na uli si Marian.
-NITZ MIRALLES
