Pinagbabaril at napatay ng isang lalaki ang isang umano’y magkarelasyon habang sila’y nakasakay sa motorsiklo sa harap ng isang motel sa Barangay Gueguesangin, Sta. Barbara, Pangasinan, nitong Sabado ng gabi.

Sa paunang ulat ng Sta. Barbara Police, tanging ang lalaking biktima pa lamang ang nakilala na si Efren Caramat, taga-PNR, Dagupan City.

Sinabi ng imbestigador, maghahanap sana ang dalawa ng ibang malilipatang motelo dahil walang bakanteng kuwarto sa pinangalingan nila nang pagbabarilin sila ng isang hindi nakikilang lalaki.

Narekober sa pinangyarihan ng krimen ang isang plastic sachet ng umano’y shabu.

Iniimbestigahan pa ng pulisya kung may kaugnayan sa droga o love triangle ang krimen.

-Liezle Basa Iñigo