Excise tax sa LPG at kerosene, sinuspinde na ni PBBM!-Balita

Excise tax sa LPG at kerosene, sinuspinde na ni PBBM!

Inihayag ni Pangulong Ferdinand “Bongbong” Marcos, Jr., ang suspensyon ng excise tax sa LPG at kerosene nitong Lunes, Abril 13, 2026.

Sa kaniyang press briefing nitong Lunes, inihayag niya ang pagsuspinde sa nasabing mga produkto sa pamamagitan umano ng kapangyarihang ibinigay sa kaniya ng batas.

“Sa ilalim ng kapangyarihan na ibinigay sa akin ng batas, tinanggal ko na ang excise tax sa LPG at sa kerosene,” ani PBBM.

Ayon sa Pangulo, maglalaro sa ₱3.36 ang mababawas sa kada kilo ng LPG na may katumbas na ₱37 ang halaga ng mababawas kada tangke.

Habang aabot naman sa ₱5.60 ang matatapyas sa kada litro ng kerosene.

Dagdag pa ni PBBM, “Ibig sabihin, mas mababa ang gastos sa pagluluto at sa pang araw-araw na pangangailangan ng bawat pamilya.”

Matatandaang noong Marso 25 nang lagdaan ni PBBM ang Republic Act No. 12316 na nagbibigay sa kaniya ng kapangyarihang magsuspinde o magtapyas ng excise tax sa presyo ng mga produktong petrolyo, kasunod ng pagsirit ng presyo nito sa pandaigdigang merkado dulot ng sigalot sa Middle East.

“The President may, upon the recommendation of the Development Budget Coordination Committee (DBCC), in coordination with the Secretary of Energy, suspend the imposition of or reduce the excise taxes on fuel under this Section when the average Dubai crude oil price based on Mean of Platts Singapore (MOPS) reaches or exceeds Eighty US dollars (USD 80) per barrel for one (1) month immediately preceding the issuance of the suspension or reduction order,” ayon sa batas.

Nakasaad din na ang anumang suspensyon o pagbabawas ng buwis ay maaaring tumagal ng hanggang tatlong buwan lamang.

“Provided, the power of the President to temporarily suspend or reduce the excise tax on petroleum products granted under this Section shall be exercised only until December 31, 2028,” anang batas.

KAUGNAY NA BALITA: PBBM, pirmado na batas na magsususpinde sa fuel excise tax!

Akbayan, suportado imbestigasyon ng CHR sa engkuwentro sa Taboso

Naghayag ng suporta ang Akbayan Party-list sa pagsisiyasat ng Commission on Human Rights (CHR) kaugnay sa nangyaring sagupaan sa Taboso, Negros Occidental na ikinasawi ng 19 na indibidwal. Kabilang sa mga nasawi ang University of the Philippines Diliman student leader na si Alyssa Alano at Altermidya Network community journalist na si RJ Ledesma. Sa isang Facebook post ng Akabayan nitong Linggo,...

CHR, nagkasa na ng imbestigasyon sa pagkamatay ng 19 katao sa operasyon ng militar sa Negros

Naglunsad ng hiwalay at independent investigation ang Commission on Human Rights (CHR), sa pamamagitan ng tanggapan nito sa Negros Island Region, kaugnay ng armadong sagupaan noong Abril 19 sa Negros Occidental na ikinasawi ng 19 katao. KAUGNAY NA BALITA: Human Rights advocates, nanawagan ng imbestigasyon sa operasyon ng militar kontra NPA sa Negros Kabilang sa mga nasawi ang University of the...

Birth verification ng higit 29k senior citizens, pinaigting sa mas pinabilis na access sa mga benepisyo

Inanunsyo ng Philippine Statistics Authority (PSA) ang matagumpay nilang pagsagawa ng birth verification ng higit 29,000 senior citizens sa buong bansa upang matiyak ang mas episyente at mabilis na pagkuha nila ng mga benepisyo mula sa pamahalaan. Batay sa inilabas na pahayag ng PSA, as of April 20, tinatayang 29, 546 application ng senior citizens ang kanilang naiproseso, alinsunod sa Republic...