Tila desidido ang United States (US) sa mga babalang binitawan nila sa Iran na mas aatakihin pa nila ito nang mas matindi kung hindi raw tatanggapin ng huli ang pagkatalo nito sa digmaan.
Ayon sa isinagawang press briefing ni US White House press secretary Karoline Leavitt noong Miyerkules (araw sa America), Marso 25, 2026, sinabi niyang sisiguraduhin daw ni US President Donald Trump na mas aatikihin nila ang Iran nang mas malakas sa paraan na hindi pa nila nararanasan.
“If Iran fails to accept the reality of the current moment, if they fail to understand that they have been defeated militarily and will continue to be, President Trump will ensure they are hit harder than they have never been hit before,” pagsisimula ni Leavitt.
Diin ni Leavitt, hindi lang daw basta nananakot si Trump at handa raw itong magpalaganap ng impyerno sa Iran.
“President Trump does not bluff and he is prepared to unleash hell,” ‘ika niya.
‘Laging handa at alerto!’ DOH, nakikipag-ugnayan na sa WHO bunsod ng Ebola outbreak
Ani Leavitt, hindi raw dapat na muling magkamali pa ang Iran sa kanilang desisyon.
“Iran should not miscalculate again. Their last miscalculation cost them their senior leadership, their navy, their airforce, and their air defense system,” saad niya.
Pagpapatuloy ng kalihim, maituturing daw na magiging kasalanan ng Iran ang pag-atakeng magaganap simula puntong ito kung hindi sila susuko sa US.
“Any violence beyond this point will be because the Iranian regime refused to understand they have already been defeated and refused to come to a deal,” pagtatapos pa niya.
Matatandaang inilahad pa sa publiko ni Trump noong Marso 23, sa kaniyang Truth Social account ang limang araw na pansamantalang pagpapatigil niya ng kanilang military strikes sa Iran dulot daw ng nagiging maganda nilang negosasyon.
“I am pleased to report that the United States of America, and the country of Iran, have had, over the last two days, very good and productive conversations regarding a complete and total resolution of our hostilities in the Middle East,” aniya.
“I have instructed the Department of War to postpone any and all military strikes against Iranian power plants and energy infrastructure for a five day period, subject to the success of the ongoing meetings and discussions,” pagtatapos pa niya.
KAUGNAY NA BALITA: Trump, pansamantalang pinatigil pambobomba sa Iran!
Samantala, mariin namang pinabulaanan ni Iran’s Parliament speaker Mohammad-Bagher Ghalibaf sa naging pahayag niya sa kaniyang “X” account noon ding Lunes na nagkaroon sila ng negosasyon sa US at sinabi niyang fake news ang naging pahayag ni Trump upang manipulahin ang mga merkado ng langis.
KAUGNAY NA BALITA: Iran, itinangging nakipag-usap sa US; Trump 'fake news' daw?
