Tila bigla na lamang bumulagta ang singer na si Gigi De Lana matapos niyang isagawa ang isa niyang gig sa Samal Island City, lalawigan ng Davao Del Norte.
Sa isang video na kumakalat ngayon sa social media, makikitang nag-pass out ang aktres matapos ang kaniyang naging gig performance.
Matapos mahimatay, mabilis namang kinarga si Gigi ng production team upang maisaayos ang kaniyang kalagayan.
Sa isang official statement naman na inilahad ng Tritone Entertainment—na mababasa ring ibinahagi mismo ni Gigi sa kaniyang Facebook account nitong Linggo, Marso 8, pinasalamatan nila ang mga nangungumusta at nagpapadala ng mensahe para kay Gigi.
Anila, stable na ito at patuloy na nagpapahinga.
“To everyone who has been sending messages and asking about Gigi, thank you so much for your love and concern,” saad ng Tritone Entertainment.
Sen. Bato dela Rosa, bumisita kina Andrea Del Rosario?
Anila, “After her performance last night in Samal Island City, Davao Del Norte, Gigi experienced extreme fatigue and briefly passed out after her final song. She was given immediate attention and care, and we’re grateful to share that she is now safe, stable, and currently resting.”
Kahit hindi raw mabuti ang pakiramdam, pinilit umano ni Gigi na mag-perform dala ng “professionalism” at respeto nito sa mga sumusuporta sa kaniya.
“Despite not feeling well, Gigi still chose to honor her commitment and perform for everyone who came to see her. This reflects the deep respect and professionalism she has for her audience,” anang Tritone.
“We sincerely appreciate all the prayers, messages, and support you’ve been sending. For now, our priority is making sure she gets the rest and recovery she needs. Thank you for your continued love and understanding,” pagtatapos nila.
Vincent Gutierrez/BALITA
