Rep. Sarah Elago, 'di raw palalampasin pambabastos ni Atty. Topacio!-Balita

Rep. Sarah Elago, 'di raw palalampasin pambabastos ni Atty. Topacio!

Naglabas ng pahayag at kaniyang reaksyon si Gabriela Women’s Party Rep. Sarah Elago kaugnay sa nasabing naging pagnanasa ni Atty. Ferdinand “Ferdie” Topacio sa kaniya noon sa isang hearing.

Matatandaang inamin at ibinahagi mismo sa publiko ni Topacio sa programa niyang “Yes… Yes… Yo! Topacio” ng DWIZ News noong Huwebes, Marso 5, 2026, ang minsan naging pagnanasa umano niya nang personal na maamoy si Elago noon.

“Ako dati, pinagnasahan ko rin si Sarah Elago, e. Naamoy ko noong hearing namin sa DOJ. Magalit na kayo kung magagalit kayo sa akin. I don’t care. Kasi talagang ako, suklam na suklam sa hypocrisy, kaplastikan. Kasi I always say what I mean and I mean what I say,” ‘ika ni Topacio.

KAUGNAY NA BALITA: Atty. Topacio, inaming pinagnanasaan nang maamoy noon si Rep. Sarah Elago!

Ayon naman naging tugon ni Elago sa kaniyang post sa social media accounts niya, partikula sa “X”, nitong Biyernes, Marso 6, 2026, sinabi niyang hindi niya raw palalampasin ang mga nasabi ni Topacio.

“BAWAL BASTOS! Hindi natin ito palalagpasin. Kailangan nating panagutin,” pagsisimula niya.

Screenshot mula sa “X” post ni Elago.

Ani Elago, wala raw puwang sa lipunan ang kaisipan at pag-uugali ni Topacio at patuloy raw silang kikilos para wakasan ang anyo ng seksismo at karahasan na nararanasan ng kababaihan.

“Walang puwang sa lipunang naghahangad ng tunay na pagbabago ang ganitong kaisipan at pag-uugali,” aniya.

“Patuloy na kumilos, mag-organisa upang wakasan ang lahat ng anyo ng seksismo at karahasan laban sa kababaihan!” pagtatapos pa niya.

Samantala, habang sinusulat ito, wala pa namang inilalabas na bagong pahayag, tugon, o reaksyon si Topacio kaugnay sa naging sagot sa kaniya ni Elago.

KAUGNAY NA BALITA: Atty. Topacio kinatigan si Suntay: 'May nakita kang babae na gusto mong halayin, 'di kasalanan 'yon!'

KAUGNAY NA BALITA: Atty. Topacio bumanat kay Jasmine: 'Ba't ka nagpo-post ng bikini pictures, 'di ba para pagnasahan?'

Mc Vincent Mirabuna/Balita

4-day workweek, pansamantalang ipatutupad sa ilang executive offices ng pamahalaan

Inanunsyo ni Pangulong Ferdinand “Bongbong” Marcos Jr. ang pansamantalang pagpapatupad ng pamahalaan ng four-day workweek para sa ilang mga piling opisina ng ehekutibo. Kasunod ito ng mga panawagang bawasan ang araw ng pagtatrabaho sa isang linggo upang makatipid sa paggamit ng enerhiya, bunsod ng lumalalang sigalot sa mga bansang nasa Gitnang Silangan. Sa isang pahayag na ibinahagi ni PBBM...

Pahinanteng natutulog, patay matapos magulungan ng truck!

Nasawi ang isang pahinante matapos siyang magulungan ng kanilang truck habang natutulog sa ilalim nito, sa Dumaguete City. Ayon sa mga ulat, hindi umano nagising ang lalaki kahit nang paandarin na ng driver ang kanilang truck bunsod umano ng pagod sa mahaba nilang biyahe. Depensa nmaman driver, hindi raw niya alam na may tao pa sa ilalim ng truck nang subukan niya itong paandarin upang i-park daw...

Chinese Embassy, pinabulaanan umano'y pag-eespiya ng China sa Pilipinas

Pinasinungalingan ng Chinese Embassy ang umano’y “espionage and foreign-directed malign activities” na isinagasagawa ng China sa Pilipinas. Kaugnay ito sa inilabas na pahayag ng National Security Council (NSC) kamakailan, kung saan ipinahayag nila na mayroon umanong “national security matter” na nagaganap, dahil sa pag-eespiya ng ilang taong naiiugnay umano sa bansang China. “The...