Personal na binigyang-pagkilala ni Pangulong Ferdinand “Bongbong” Marcos Jr. ang Pinoy Guinness World Record holder na si Claro “Lito” de Veterbo Jr. sa Malacañang noong Miyerkules, Mayo 20.
Sa courtesy call ni PBBM, kinilala niya ang makasaysayang paglalakad ni De Veterbo mula Pagudpud, Ilocos Norte hanggang Glan, Sarangani Province, mula Pebrero 9 hanggang Hulyo 6, noong 2025.
Saad ni De Veterbo sa pahayag ng Guinness World Records, “bonus” na lamang niyang itinuturing ang pagtatala ng world record, dahil ang kaniyang layon sa long-distance walking ay makapagtaas ng kalinangan hinggil sa kalikasan.
Kaya hindi raw siya makapaniwalang nakamit ang world title kasabay ng matagumpay niyang pagtatapos ng ruta.
“I went into this with the intent of teaching people how they can enjoy nature while minimizing their impact to the environment. But at the same time, I thought it would be great if I could also simultaneously set a world record, so these two things just happened to come together. By the end of it all, I still couldn’t believe that I pulled it off,” ani De Veterbo.
'Tamod' imbes na 'tanod!' Headline ng pahayagan, kinaaliwan
Bukod sa pagiging hobbyist mountaineer, si De Veterbo ay isang instructor na sertipikado ng Leave No Trace (LNT) na isang non-profit organization na dedikado sa proteksyon ng kalikasan sa pamamagitan ng science-based education.
