NBI, naglabas ng subpoena laban sa 18 ex-marines!-Balita

NBI, naglabas ng subpoena laban sa 18 ex-marines!

Naglabas ng subpoena ang National Bureau of Investigation (NBI) laban sa 18 nagpakilalang dating mga miyembro ng Philippine Marine at dati umanong tumayong mga “bag man” ni dating Ako Bicol Partylist Rep. Zaldy Co at naghatid diumano male-maletang naglalaman ng bilyon-bilyong pera sa ilang opisyal ng pamahalaan.

Ayon sa naging panayam ng media kay NBI Director Melvin Matibag sa tanggapan ng NBI nitong Biyernes, Marso 6, 2026, sinabi niyang “na-deputize” o naatasan umano sila ng Office of the Ombudsman (OM) para imbestigahan isyu na isiniwalat ng 18 ex-marines sa kanilang joint affidavit.

Ani Matibag, tila raw hindi nga maituturing na complaint ang isinapublikong joint affidavit ng 18 ex-marines.

“We are deputized by the Ombudsman to investigate the issue. If you remember, si Atty. Baligod, nag-launch ng parang some sort of, hindi nga complaint, parang letter siya. Naka-attached ‘yong joint affidavit no’ng 18 marines,” pagsisimula niya.

Dagdag pa niya, “So ang ginawa po ng ating Ombudsman is referred it to the NBI. We are deputized to investigate the matter so we are investigating and following all the leads and all the angles na puwede nating puntahan.”

Anang direktor, magkakaso raw sila dependa kung saan sila madadala ng mga lead at anggulong isinapubliko ng 18 ex-marines, ayon na rin daw sa palaging direktiba sa kanila ng Ombudsman at ni Pangulong Ferdinand “Bongbong” Marcos, Jr.

“Magkaroon kami ng findings, kung mayroong kailangang kasuhan, kung saan dadalhin ng ebidensya. ‘Yan naman lagi ‘yong direktiba ng ating Ombudsman at ng ating Pangulong Bongbong Marcos noong tinalaga ako rito. Kung saan dadalhin no’ng ebidensya, doon natin dadalhin ‘yong kaso,” pagtatapos pa niya.

KAUGNAY NA BALITA: 1 sa 18 ex-marines, nanindigang walang kinalaman sa kanila si Defensor

KAUGNAY NA BALITA: 'Mahirap mag-establish ng kaso!' Atty. Respicio, may nilinaw hinggil sa mga banta laban sa 18 Marines

Mc Vincent Mirabuna/Balita

4-day workweek, pansamantalang ipatutupad sa ilang executive offices ng pamahalaan

Inanunsyo ni Pangulong Ferdinand “Bongbong” Marcos Jr. ang pansamantalang pagpapatupad ng pamahalaan ng four-day workweek para sa ilang mga piling opisina ng ehekutibo. Kasunod ito ng mga panawagang bawasan ang araw ng pagtatrabaho sa isang linggo upang makatipid sa paggamit ng enerhiya, bunsod ng lumalalang sigalot sa mga bansang nasa Gitnang Silangan. Sa isang pahayag na ibinahagi ni PBBM...

Pahinanteng natutulog, patay matapos magulungan ng truck!

Nasawi ang isang pahinante matapos siyang magulungan ng kanilang truck habang natutulog sa ilalim nito, sa Dumaguete City. Ayon sa mga ulat, hindi umano nagising ang lalaki kahit nang paandarin na ng driver ang kanilang truck bunsod umano ng pagod sa mahaba nilang biyahe. Depensa nmaman driver, hindi raw niya alam na may tao pa sa ilalim ng truck nang subukan niya itong paandarin upang i-park daw...

Rep. Sarah Elago, 'di raw palalampasin pambabastos ni Atty. Topacio!

Naglabas ng pahayag at kaniyang reaksyon si Gabriela Women’s Party Rep. Sarah Elago kaugnay sa nasabing naging pagnanasa ni Atty. Ferdinand “Ferdie” Topacio sa kaniya noon sa isang hearing. Matatandaang inamin at ibinahagi mismo sa publiko ni Topacio sa programa niyang “Yes… Yes… Yo! Topacio” ng DWIZ News noong Huwebes, Marso 5, 2026, ang minsan naging pagnanasa umano niya nang...