Patay ang isang 45-anyos na lalaki nang matumbahan ng puno ng balete ang minamaneho nitong bao-bao o tricab sa Barangay Ilang, Davao City, noong Miyerkules ng gabi, Pebrero 25, 2026.
Ayon sa paunang imbestigasyon, bumibiyahe at pumapasada ang driver nang biglang bumuwal ang puno at bumagsak sa kaniyang sasakyan habang ito ay dumaraan sa naturang lugar.
Tatlong pasahero ang sugatan sa insidente matapos maipit sa loob ng tricycle at nagtamo ng matinding pinsala at pagkakayupi dahil sa lakas ng impact ng puno.
Agad namang nagtulungan ang mga residente at mga rescuer upang maialis sa loob ng sasakyan ang driver.
Gayunman, wala na itong buhay nang makuha mula sa pagkakaipit.
Kawatang tumalon sa second floor, timbog matapos bumagsak sa harap ng brgy. tanod
Pinaniniwalaang maaaring nakatulong sa pagkabuwal ng puno ang ilang araw na walang tigil na pag-ulan sa rehiyon ng Davao, na posibleng nagpalambot sa lupa at nagpahina sa pagkakatayo ng puno.
