Sumakabilang-buhay na si Binibining Pilipinas Sara Jane Paez-Santiago, sa edad na 57.
Sa social media ng Binibining Pilipinas noong Huwebes, Enero 16, nakidalamhati sila sa pagkawala ng dating beauty queen at inalala nila ang legasiyang iniwan nito.
“We mourn the passing of Sara Jane Paez-Santiago, Bb. Pilipinas Universe 1989. She exemplifies grace, intelligence and dignity throughout her life and reign,” saad ng Binibining Pilipinas.
“Her legacy as a true Filipina queen will inspire future generations,” dagdag pa nito.
'Pinanindigan na!' Paolo Benjamin ng Ben&Ben, ikinasal na
Sa isa pang post ng Binibining Pilipinas, nagbahagi rin sila tribute photos kay Sara Jane.
“Thank you for the light you shared and the pride you brought to Binibini. You will always be remembered. Rest in peace. ,” caption nito.
Nagpaabot din ng pakikiramay ang Miss Universe Philippines sa kanilang social media.
“Miss Universe Philippines mourns the passing of Sara Jane Paez Santiago, Binibining Pilipinas Universe 1989, who proudly represented the Philippines at the Miss Universe pageant in Cancun, Mexico,” pagkilala at pakikiisa ng Miss Universe Philippines.
“She carried our country with grace and pride on the international stage, leaving a lasting mark in our pageant history. Our heartfelt condolences go out to her family and loved ones,” dagdag pa nito.
Sa social media naman ng dating beauty queen na si Marina Benipayo, ibinahagi niya ang detalye ng burol ni Sara Jane sa Santuario de San Antonio Parish sa Forbes Park, Makati.
Si Sara Jane ay kinoronahan bilang Binibining Pilipinas-Universe noong 1989.
Sa kaparehas na taon, nirepresenta niya rin ang Pilipinas sa Miss Universe na ginanap sa Cancun, Mexico.
Ikinasal si Sara Jane kay Nicky Santiago, kung saan, nagkaroon sila ng dalawang mga anak.
Sean Antonio/BALITA
