Imbes na mapikon sa mga iba't ibang memes sa kaniya, mukhang sinasakyan na lang ng DJ/social media personality na si Jellie Aw ang mga nagagawang memes sa kaniya, na nag-ugat sa espekulasyong nagkabalikan na sila ng ex-boyfriend na si Jam Ignacio.
Napa-react at komento kasi ang mga netizen sa pag-share ni Jam sa larawan ni Jellie sa kaniyang Instagram story, na tila nagpapahiwatig daw ng umano'y pagbabalikan nilang dalawa bilang magkarelasyon.
Kaugnay na Balita: Matapos ang bugbugan: Jam Ignacio at Jellie Aw, nagkabalikan?
Matatandaang noong Pebrero, umani ng atensyon ang ang "bugbugan issue" sa pagitan nilang dalawa nang ibahagi ni Jellie ang mga larawan ng sarili niyang mukha na umano’y binugbog sa loob ng sasakyan ng noo'y karelasyong si Jam, na ex-boyfriend naman ng TV host-actress na si Karla Estrada.
'Dami pala pera ng Pilipinas no?' Anne Curtis, nanghinayang sa kinurakot na budget ng bansa
Pormal ding nagsampa ng reklamo laban kay Jam si Jellie sa National Bureau of Investigation (NBI) kaugnay ng insidenteng iyon.
Hindi naglaon, humingi ng tawad si Jam kay Jellie at umapela para sa pagkakaayos ng relasyon nila.
Bago matapos ang 2025, nito ngang Disyembre, nagulantang ang mga netizen sa pagbabahagi ni Jam sa larawan ni Jellie.
Mababasa sa text caption ng larawan, “Shout out sa tao hindi ako iniwan. Alam mo yan kung gaano kita ka mahal. Mahal na mahal kita.”
Agad namang pinuntahan at sinilip ng mga netizen ang social media account ni Jellie.
Tila mas tumibay pa ang espekulasyon ng mga netizen na muli silang nagkabalikan at nagkapatawaran dahil sa post ni Jellie.
Mababasa, "kakatuwa dami nyong Time sa buhay ko, kung c Lord nga nagpapatawad what more pa na tayong anak nya lang?"
Kaugnay na Balita: 'Kung si Lord nga nagpapatawad what more pa na tayong anak N'ya lang?'—Jellie Aw
Ang sumunod na mga talata ay para naman sa pamimigay niya ng pang-Noche Buena sa sampung mapipiling followers niya.
"GOOD MORNING! GUSTO KO LANG NAMAN MAMIGAY NG GCASH & MAGSHARE NG BLESSING PANG DAGDAG SA NOCHE BUENA BAKIT G NA G YUNG IBA? MASAMA PO BANG MAGPATAWAD?" aniya pa sa isa pang Facebook post.
Sumunod, ibinahagi pa ni Jellie ang Facebook post ng isang netizen, kung saan mapapanood ang clip mula sa music video ng awitin ni Britney Spears na "Baby One More Time."
Kaugnay na Balita: Jellie Aw, napa-Britney Spears na lang: 'Hit me baby, one more time!'
Iyan daw kasi ang tila "peg" ngayon ni Jellie matapos ang usap-usapang umano'y pakikipagmabutihan ulit kay Jam.
Sumunod, mababasa pa sa post ni Jellie, "Sinabi lang na mahal na mahal nagbalikan na?"
Kaugnay na Balita: 'Sinabi lang na mahal na mahal nagbalikan na?'—Jellie Aw
Sa isa pang video post, sinabi ni Jellie na huwag daw mag-alala ang mga netizen dahil buhay na buhay pa siya.
Sa mga sumunod pang Facebook posts, makikitang tila game naman si Jellie sa mga sinasabi ng netizens sa kaniya, na tila ipinapahamak daw ulit ang sarili kung totoo man daw na nagkabalikan na sila ng taong bumugbog sa kaniya.
Sa isang meme, makikitang nakalublob siya sa isang water drum habang sa isa naman, nasa loob na siya ng maleta.
"Ok na? Happy na kayo? BWAHAHAHAHAAHAAHHA" saad ni Jellie sa caption.
"Selfie muna. Drum at maleta nayan ah! bka gigil padin kayo? ok jam pakisara na BWAHAHAHAHAHHAHAHAHAHAAHAHAHA!" saad pa niya sa isa.
Kaugnay na Balita: Nilaro ang memes, nagkusa na! Jellie Aw, isinilid sarili sa drum at maleta
At ang latest meme nga na shinare ni Jellie, ang larawan nilang dalawa ni Jam na tila nasa isang boxing arena at ready na sa round 2.
"WAHAHAHAHAHAHAHA! shuta! Taba ng utak ng gumawa ah sino gusto ng ticket? philippine arena venue para lahat invited hype yan," saad ni Jellie.
"GAME KANA BA? bawal pikon dito wahahahh!" dagdag pa ni Jellie.
Photo courtesy: Screenshot from DJ Jellie Aw/FB
Hanggang sa kasalukuyan, walang opisyal na pahayag mula sa kampo nina Jam at Jellie kung magsisilbing kumpirmasyon ito ng tunay na pagbabalikan, o simpleng pagpapahayag lamang ng damdamin ni Jam sa publiko.
