Tatlong kawatan ng motorsiklo ang natimbog ng pulisya matapos nilang ibenta sa mismong may-ari ang dinali nilang motor sa Kidapawan City.
Ayon sa mga ulat, naka-post umano sa Facebook Marketplace ang nasabing nakaw na motorsiklo kung kaya't nagka-ideya ang biktima na makipagtransaksyon sa mga suspek.
Noong Setyembre 1, 2025 daw na dinali ng mga kawatan ang motorsiklo ng biktima, kaya agad daw itong napilitang makipag-ugnayan sa pulisya, nang makita niya ito sa listing mula sa nasabing online platform.
Napagkasunduan ng biktima at mga suspek na magkita noong Nobyembre 16, bandang 10:00 ng umaga kasabay ng entrapment operation na ikinasa ng pulisya.
Samantala, matagumpay namang nasakote ng mga awtoridad ang tatlong suspek kung saan 24-anyos ang pinakabata at 26 taong gulang naman ang pinakamatanda.
DepEd, iniimbestigahan na pagkasawi ng Grade 3 learner sa Davao City
Muli ring nagpaalala ang mga awtoridad sa publiko hinggil sa pagbili ng mga secondhand na mga sasakyan at hinimok na agad na makipag-ugnayan sa kanila kung sakaling may mapansin na kahina-hinala.
Nasa kustodiya na ng pulisya ang mga suspek na nahaharap sa kaukulang kaso.
