Nagbigay ng reaksiyon si showbiz insider Ogie Diaz sa naungkat na pahayag ni dating Presidential Spokesperson Harry Roque tungkol sa pagkakaaresto kay Elmer Cordero noong 2020.
Si Elmer ay 72-anyos na jeepney driver na inaresto ng kapulisan dahil sa pakikilahok sa kilos-protesta sa kasagsagan ng pandemya.
Ani Roque, “Titingnan po natin ‘yan kasi regardless of your age, kapag may pending case, kinakailangan harapin 'yong kaso. Magkakaroon lang po ‘yan ng clemency if he is found guilty.”
Ngunit noon lamang Oktubre 1, tila bigla siyang kumambiyo nang igiit niya na kinakailangan umanong mabigyan ng 24-hour assistance si dating Pangulong Rodrigo Duterte na nakapiit sa The Hague, Netherlands dahil sa kasong crimes against humanity.
Kim Chiu, Paulo Avelino nagsasama na sa iisang bubong?
"At 80, si Tatay Digong kinakailangan na ng 24-hour assistance, kung hindi full-time nurse or caregiver," sabi niya.
Kaya sa latest Facebook post ni Ogie nitong Sabado, Oktubre 4, natawa si Ogie sa pagpapakita ng tila selective compassion ni Roque.
“Hahaha! Ang hirap talaga pag naresibuhan ka. Ang kahapon ang kalaban ng ngayon,” saad ng showbiz insider.
Matatandaang umugong kamakailan ang bali-balitang namawalan umano ng malay si Duterte sa loob ng custodial facility nito sa Internation Criminal Court (ICC).
Ngunit pinabulaanan na ito ni dating Senador Antonio “Sonny” Trillanes IV.
Maki-Balita: Trillanes, sinabing 'sanay mambudol' pamilyang Duterte
