Nakaharap na ni Sen. Jinggoy Estrada ang isa umanong kontraktor na idinawit ni Engr. Brice Hernandez na umano’y nagdadala ng nakulimbat na pera para sa senador.
Sa imbestigasyon ng Senado sa flood control probe nitong Huwebes, Setyembre 18, 2025, pinasadahan ng mga tanong ni Estrada si Mina Jose ng WJ Construction hinggil sa koneksyon nilang dalawa.
“Right now, you're saying na hindi mo ako kilala. Hindi ka nagpunta sa aking tanggapan?” tanong ni Estrada.
“Yes your honor,” ani Jose.
Sen. Bato, masayang nakita ang apo
Paglilinaw pa ni Estrada, “So lumalabas talaga na wala kong kinalaman sa transaksyon ninyo ni Brice Hernandez?”
“Yes your honor,” muling tugon ni Jose.
Bunsod nito, muling sumingit si Marcoleta at inulit ang mga nabanggit na tanong ni Estrada, at saka muling biniro ang nadidiing senador.
“So talagang safe ka na,” ani Marcoleta.
Matatandaang noong nakaraang pagdinig ng Senate Blue Ribbon Committee noong Setyembre 8 nang unang biruin ni Marcoleta si Estrada.
KAUGNAY NA BALITA: Jinggoy, ‘di nagustuhan biro ni Marcoleta sa Senate hearing?’ ‘I resent that statement!’
Matapos ang pagsagot ni Curlee, nagbitaw na ng biro kay Estrada si Marcoleta.
“Oh safe ka na,” saad ni Marcoleta.
"You know I resent that statement Mr. Chair. I resent that statement,” anang senador.
Muling biro ni Marcoleta, "Safe ka na."
"Mr. Chair, I moved that you strike of the record that..." saad ni Jinggoy.
Paglilinaw naman ni Marcoleta, "Eh alam mo namang biro lang 'yon, wala yon, wala 'yon.”
Matatandaan ding kabilang si Estrada sa dalawang senador na ikinanta ni dating Department of Public Works and Highways (DPWH) assistant district engineer Brice Hernandez na pinagsisilbihan umano nila bilang bagman.
Maki-Balita: Engr. Brice Hernandez, ikinanta koneksyon nina Villanueva, Jinggoy sa anomalya ng flood control projects
Pero nauna nang itinanggi ni Estrada ang pagkakaugnay niya sa anomalya sa likod ng flood control projects. Katunayan, hinamon pa niya si Hernandez na sumailalim sila sa lie detector test sa harap ng publiko.
Maki-Balita: Sen. Estrada hinamon si Engr. Hernandez: 'Let us take a lie detector test before the public'
