Ipinagmalaki ni House Deputy Majority Leader and Lanao del Sur 1st district Rep. Zia Alonto Adiong ang pagtaas umano ng ratings ni House Speaker Martin Romualdez sa Mindanao.
Sa kaniyang press briefing nitong Biyernes, Agosto 1, 2025, iginiit niyang patunay lamang daw ang nasabing ratings sa tiwala ng mga taga-Mindanao kay Romualdez.
“The numbers don’t lie. This means that more of our people in Mindanao appreciate what the House and Speaker Romuladez are doing to improve the lives of the people and sustain development in our beloved island,” saad ni Adiong.
Saad pa ni Adiong, pruweba rin daw na walang sama ng loob ang mga taga-Mindanao laban sa Kamara matapos ang naganap na isyu hinggil sa impeachment ni Vice President Sara Duterte.
‘Traffic Advisory’ sa Translacion 2026, inilatag na para sa mga deboto at motorista
“The improved numbers mean that our people in Mindanao are not taking that decision against us. They realize that it is our duty to make public officials accountable for the misuse of government funds and other acts of wrongdoing,” anang mambabatas.
Matatandaang noong Pebrero 5 nang na-impeach sa House of Representatives si VP Sara matapos lagdaan ng tinatayang 215 mga kongresista ang ikaapat na impeachment complaint kabilang na si House Speaker Romualdez.
KAUGNAY NA BALITA: House of Representatives, inimpeach na si Vice President Sara Duterte
Habang noong Nobyembre 2024 naman nang magsimulang gumawa ng ingay ang tensyon sa pagitan nina Pangulong Ferdinand “Bongbong” Marcos, Jr., First Lady Liza Marcos at HS Romualdez matapos ang kontrobersiyal na pahayag ni VP Sara na ipapatay umano sila.
KAUGNAY NA BALITA: VP Sara, may binilinan na raw: ‘Kapag pinatay ako, patayin mo si PBBM, FL Liza, Romualdez!’
