Nakiisa sa pagdiriwang ng ika-127 anibersaryo ng Araw ng Kalayaan ng Pilipinas, sa Kuala Lumpur, Malaysia si Vice President Sara Duterte, batay sa update ng PDP-Laban.
Bukod kay Duterte, naispatan din sa pagtitipon ang mga senador na sina Robin Padilla at Imee Marcos.
"Kasama niyang nagdiwang sina PDP Laban President Robin Padilla, PDP Laban Deputy Secretary General for the Visayas Atty. Jayvee Hinlo, PDP Laban Arbitration Committee Chairperson Atty. Jimmy Bondoc, at Senator Imee R. Marcos," saad pa rito.
Sina Padilla at Marcos ay dalawa sa 18 senador na bumotong i-remand o ibalik sa House of Representatives ang Articles of Impeachment, noong Martes, Hunyo 10.
VP Sara 'hostage' si Sen. Imee, kailangang ibalik sa Pinas si FPRRD
KAUGNAY NA BALITA: Botong 18-5: Sino-sino Senator-judges na aprub, tutol sa mosyon nina Dela Rosa, Cayetano?
Matatandaang tumulak pa-Malaysia si Duterte kasama ang pamilya para sa isang personal trip noong Martes din.
"Vice President Sara Duterte is travelling to Kuala Lumpur, Malaysia on a personal trip with her family," anang Office of the Vice President (OVP).
"In the course of her visit, she is scheduled to attend the Independence Day celebration and engage in an OVP program consultation with Overseas Filipino Workers (OFWs) on June 12," dagdag pa nila.
KAUGNAY NA BALITA: VP Sara, patungong Malaysia kasama ang pamilya; dedma sa impeachment?
