PBBM, labas sa magiging husga ng taumbayan sa Senado

PBBM, labas sa magiging husga ng taumbayan sa Senado—Palasyo

Siniguro ng Malacañang na hindi makakaabot kay Pangulong Ferdinand “Bongbong” Marcos, Jr., ang magiging husga umano ng taumbayan sa nagiging tugon ng Senado sa usapin ng impeachment kay Vice President Sara Duterte.

Sa press briefing nitong Miyerkules, Hunyo 11, 2025, iginiit ni Palace Press Undersecretary Claire Castro na hindi raw kasama si PBBM sa debate ng impeachment kaya’t hindi raw siya magkakaroon ng anumang negatibong epekto sa taumbayan.

“Wala po tayong nakikitang negative impact na mangyayari sa Pangulo dahil hindi po siya kasama sa anumang pagtatagisan ng talino sa debate dito sa Senado,” saad ni Castro.

Dagdag pa niya, labas na raw ang Pangulo kung anuman ang ibabang desisyon ng Senado sa impeachment.

“Kung ito man po ay ma-dismiss, sabi nga po natin, taumbayan po ang huhusga sa Senado kung ano po ang ginawa nila during the impeachment trial,” ani Castro.

Matatandaang makailang ulit nang sinabi ng Palasyo na walang balak si PBBM na panghimasukan ang pagsalang ng impeachment ni VP Sara sa Kamara at Senado, bagama’t malinaw ang tindig ni PBBM na ayaw raw niyang magkaroon ng impeachment.

KAUGNAY NA BALITA: 'Wapakels na?' Impeachment kay VP Sara, hinayaan na ni PBBM sa Senado

Samantala, binigyang-diin naman ni Castro na naninindigan si PBBM na dapat masingil ang sinumang politikong may nilabag na pananagutan sa batas.

“Kailangang bigyan ng transparency, accountability sa lahat ng public servants. Hindi lamang po sa usapin ng impeachment trial. So kapag sinabi po ng Pangulo na ‘proseso, dapat sundin ang batas,’ [ay] dapat sundin ang Konstitusyon. ‘Wag paglaruan ang procedure.

Sa kasalukuyan, nananatili sa puder ng Kamara ang articles of impeachment matapos itong ibalik ng Senado alinsunod sa napagkasunduan sa naging botohan ng mga senador noong Martes,Hunyo 10.

KAUGNAY NA BALITA: Botong 18-5: Sino-sino Senator-judges na aprub, tutol sa mosyon nina Dela Rosa, Cayetano?

Eastern Police District, nakaantabay na sa pagbubukas ng klase sa June 16

Nasa 535 tauhan ng Eastern Police District (EPD) ang nakaantabay na upang magbigay seguridad sa nakatakdang pagbubukas ng klase sa mga pampublikong paaralan sa eastern metro sa Lunes, Hunyo 16.Ayon kay EPD Director PBGEN Aden Lagradante, ang mga naturang pulis ang titiyak sa kaligtasan at kaayusan sa Metro East at siya ring tutulong sa mga estudyante, mga magulang at mga guro sa pagbubukas ng...

Pasaherong PWD pinagbubugbog, sinakal sa loob ng bus

Pinag-uusapan ngayon sa social media ang isang video kung saan pinagbubugbog, pinagsisipa, at sinakal ang isang umano'y lalaking person with disability (PWD) habang nasa loob ng isang bus na bumabagtas sa kahabaan sa EDSA.Sa isang 1:30 minutong video na ipinost noong Hunyo 10 sa social media, makikitang nakaupo ang umano'y PWD, na nakasuot ng puting damit, sa pinakalikod ng bus habang...

‘Guilty na, pinagmulta pa?’ Cebu Gov. Gwen Garcia, ‘bingo’ sa Ombudsman!

Pinatawan ng guilty of indirect contempt si outgoing Cebu Governor Gwendolyn Garcia matapos siyang hindi bumaba sa puwesto noong siya ay sinuspinde ng Ombudsman.Bukod sa pagiging guilty, pinagmumulta rin ng Ombudsman si Garcia ng tinatayang ₱30,000 matapos ang hindi niya pagsunod sa ipinataw sa kaniyang preventive suspension order noong Abril 23, 2025.“Wherefore, for defying the Preventive...