House Prosecution Panel sa impeachment ni VP Sara: 'Active and alive, buhay na buhay!'-Balita

House Prosecution Panel sa impeachment ni VP Sara: 'Active and alive, buhay na buhay!'

Iginiit ng House Prosecution Panel na tuloy pa rin ang impeachment ni Vice President Sara Duterte, kahit na nagkaroon ng "pagbabalik" sa kanila ng Articles of Impeachment, at pag-iisyu ng writ of summons sa kampo ng Pangalawang Pangulo, sa atas ng Senate Impeachment Court.

Kasalukuyang isinasagawa ang press conference kaugnay ng impeachment sa House of Representatives, Miyerkules, Hunyo 11, 2025.

Iginiit ng isa sa mga miyembro ng Prosecution Panel na si 2nd District of Batangas Rep. Gerville Luistro na tuloy na tuloy ang impeachment ni VP Sara, sa kabila ng pagbalik sa kanila ng Senate Impeachment Court sa Articles of Impeachment.

Aniya, "active and alive" at "buhay na buhay" ang nabanggit na impeachment at susunod sila sa anuman ang order ng Senate Impeachment Court, bagama't aminado silang nalalabuan at nagugulahan sila sa desisyon.

Sinabi rin ni Senate President Chiz Escudero na kanselado na muna ang nakatakda sanang pagbasa sa Articles of Impeachment ngayong Miyerkules, Hunyo 11.

KAUGNAY NA BALITA: Pagbasa ng articles of impeachment ni VP Sara, kanselado na ngayong araw!

Nangyari na nga ang inaabangang pag-convene ng Senado bilang hukuman para sa paglilitis ng impeachment ni VP Sara noong Martes ng gabi, Hunyo 10.

Kaagad namang naghain ng mosyon si Senador Ronald "Bato" Dela Rosa upang i-dismiss ang kaso ng impeachment laban kay VP Sara, na sinang-ayunan naman nina Sen. Bong Go at Robin Padilla. Kilala ang tatlo bilang "Duterte Bloc" sa Senado—mga senador na bukas na sumusuporta kay dating Pangulo Rodrigo Duterte.

Binatikos ng minority, na pinangungunahan ni Senate Minority Leader Koko Pimentel at kasamang si Senator Risa Hontiveros, ang naturang mosyon. Naglatag din ng kanilang mga argumento ukol dito sina Sen. Francis Tolentino, Joel Villanueva, at Win Gatchalian.

Kumuha ng mas neutral na posisyon si Sen. Alan Peter Cayetano, na nagmungkahi na bagama't hindi maaaring tuluyang i-dismiss ang impeachment, sa halip ay amyendahan na lamang ito.

Sumunod ang maikling suspensyon ng sesyon, at sa pagbabalik sa pagpupulong, bumoto ang mga senador-hukom ukol sa mosyon na ibalik ang Articles of Impeachment na ibinigay ng House of Representatives sa Senado noong Pebrero 2025. Sinabi ng Senado na tila minadali ng House ang proseso.

Labing-walong senador-hukom ang bumoto para sa mosyon, habang lima ang tumutol. Walang nag-abstain.

KAUGNAY NA BALITA: Botong 18-5: Sino-sino Senator-judges na aprub, tutol sa mosyon nina Dela Rosa, Cayetano?

KAUGNAY NA BALITA: ALAMIN: Kapag sinabing 'remand,' anong meaning?

Higit 200 pasahero sa nag-crash na Air India plane, patay; isa, nakaligtas!

Patay ang halos lahat ng sakay na pasahero ng bumagsak na Air India plane sa Ahmedabad, Huwebes, Hunyo 12.Sa ulat ng international media outlets, patungong Gatwick Airport sa London ang eroplano subalit ilang minuto lamang ay nag-take off ito at bumagsak sa isang residential area sa western city of Ahmedabad.Itinuturing umano itong 'world's worst aviation disaster in a...

VP Sara 'hostage' si Sen. Imee, kailangang ibalik sa Pinas si FPRRD

May biro si Vice President Sara Duterte patungkol kay Sen. Imee Marcos, na kasama niyang dumalo sa pagdiriwang ng ika-127 anibersaryo ng Araw ng Kalayaan, sa piling ng mga OFW sa Kuala Lumpur, Malaysia.Sa talumpati ni VP Sara, pabiro niyang sinabing kaya lagi niyang kasama si Sen. Imee ay dahil 'hostage' niya ito at kailangang ibalik sa Pilipinas si dating Pangulong Rodrigo Duterte na...

Dalawang paslit sa Leyte, pinagtataga ng step-father, patay; nanay, kritikal!

Dead on arrival ang dalawang batang magkapatid matapos pagtatagain ng kanilang amain sa Albuera, Leyte.Ayon sa mga ulat, selos umano ang pinag-ugatan ng pananaga ng suspek matapos silang magtalo ng ina ng mga biktima. Sa labas ng bahay natagpuan ang walang buhay na katawan ng pitong taong gulang na bata habang nasa loob naman ng bahay ang kapatid niyang apat na taong gulang.Habang nananatili pa...