KILATISIN: Si Atty. Carlo Narvasa ng defense team-Balita

KILATISIN: Si Atty. Carlo Narvasa ng defense team

Pumukaw sa atensyon ng publiko ang isa sa mga abogado ng makasaysayang impeachment trial kay Vice President Sara Duterte na si Atty. Carlo Joaquin T. Narvasa, na siyang tumayo at dumepensa para sa article IV ng impeachment kaugnay ng umano'y "grave threats" laban kina Pangulong Ferdinand "Bongbong" Marcos, Jr., First Lady Liza Marcos, at Leyte 1st District Rep. at dating House Speaker Martin Romualdez.

Sa bawat pagtutol, pagtatanong, at paglalatag ng argumento para sa kampo ng Bise Presidente, lalong nakikilala ng publiko ang batang abogado na kabilang sa defense team, katapat ang prosecutor na si Atty. Amando Virgil Ligutan.

Maki-Balita: KILALANIN: Si Atty. Amando Virgil Ligutan ng prosecution team

Batay sa iba't ibang ulat, nagtapos si Atty. Narvasa ng Bachelor of Arts in English Literature sa Ateneo de Manila University (ADMU) bago niya tinahak ang landas ng pag-aaral ng batas sa Ateneo Law School.

Matapos makuha ang kaniyang Juris Doctor degree, nakapasa siya sa Philippine Bar Examinations at opisyal na naging abogado noong 2016.

Bago maging associate sa Fortun Narvasa & Salazar (FNS Law), nagsilbi muna si Narvasa bilang junior associate sa Paredes Garcia & Golez Law Office.

Kalaunan ay naging bahagi siya ng FNS Law kung saan umangat siya bilang senior associate ng kompanya.

Sa kasalukuyan, nagsisilbi siyang first-chair litigator sa ilan sa pinakamalalaking arbitration at dispute-resolution cases ng kanilang law firm.

Ibig sabihin, siya ang pangunahing abogado na humaharap sa mga pagdinig, paglilitis, at presentasyon ng kaso sa iba't ibang legal na forum.

Hindi lamang limitado sa litigation ang karanasan ni Narvasa.

Kabilang sa kaniyang mga espesyalisasyon ang arbitration, corporate at commercial law, corporate rehabilitation, dispute resolution, at mga usaping may kaugnayan sa mining at natural resources.

Dahil dito, nakapagtrabaho siya sa mga kasong sumasaklaw hindi lamang sa mga sigalot sa korte kundi maging sa mga usaping pang-negosyo at industriya.

Habang nagpapatuloy ang paglilitis, inaasahang mas makikita pa ng publiko ang kakayahan at estratehiya ng Ateneo-trained lawyer na ngayon ay nasa sentro ng isa sa pinakamahalagang legal at pampolitikang laban.

Paliwanag ng SC sa photocopy ng dokumento bilang ebidensya sa korte, muling kinalkal

Muling ni-reshare ng mga netizen ang inilabas na paglilinaw ng Korte Suprema patungkol sa maaaring paggamit sa photocopy ng mga dokumento bilang ebidensya sa korte, sa ilang mga pagkakataon. Nag-ugat ito sa pagsita ni defense counsel Atty. Carlo Narvasa sa ilang mga inilahad na ebidensya ng prosecutor na si Atty. Amando Ligutan, na pawang photocopy raw, sa naging paglilitis sa ikaapat na article...

Gitgitan ulit? Sen. Pia Cayetano, sinita si Sen. Risa Hontiveros dahil sa tanong sa prosecutor

Muling nagkaroon ng tensyon sa pagitan nina Senator-Judge Risa Hontiveros at Senator-Judge Pia Cayetano matapos magtanong ang una sa prosecutor na si Atty. Amando Ligutan, kung 'impeachable offense' bang maituturing ang umano'y grave threats ni Vice President Sara Duterte laban kina Pangulong Ferdinand 'Bongbong' Marcos, Jr., First Lady Liza Marcos, at Leyte 1st District...

Atty. Sheila Sison hindi nag-walk out, nag-toilet break lang!—Atty. Michael Poa

Hindi raw totoong nag-walk out ang defense lead counsel na si Atty. Sheila Sison habang sinasagot ni Atty. Amando Ligutan ng prosecutor team ang tanong ni Senator-Judge Risa Hontiveros, sa ikalawang araw ng impeachment trial ni Vice President Sara Duterte nitong Martes, Hulyo 7. Habang sinasagot ni Ligutan ang tanong ni Hontiveros kung impeachable offense na bang maituturing ang umano'y grave...