Naglabas ng writ of summons para kay Vice President Sara Duterte ang Senate Impeachment Court ngayong Martes, Hunyo 10, matapos ang oath-taking ng mga senator-judge at pag-convene ng Senado para sa impeachment court.
May 10 araw lamang ang kampo ng Pangalawang Pangulo para sumagot sa Articles of Impeachment pagkatapos matanggap ang kopya ng summon at kopya nito.
Maaari namang tumugon dito ang House prosecutor sa loob ng limang araw.
Nagbotohan ang senator-judges kung sang-ayon o tutol sa mosyon ni Senator-judge Alan Peter Cayetano na ibalik sa House of Representatives ang Articles of Impeachment ni Vice President Sara Duterte.
Kakulangan ng classroom, aabutin ng 55 taon bago masolusyunan—Sec. Angara
Ito ay para amyendahan ang nauna nang inihaing mosyon ni Senator-judge Ronald "Bato" Dela Rosa na i-dismiss o ibasura ang impeachment trial ni VP Sara.
18 senator-judges ang pumabor dito at 5 naman ang tumutol, matapos ang naging mahabang deliberasyon.
Paglilinaw naman ni Senator-judge Cayetano, ang hakbang na ito ay hindi "dismissal" ng impeachment.
KAUGNAY NA BALITA: Botong 18-5: Sino-sino Senator-judges na aprub, tutol sa mosyon nina Dela Rosa, Cayetano?
