Isasailalim ng Department of Social Welfare and Development (DSWD) sa rehabilitasyon ang misteryosang babaeng lumitaw sa isang imburnal sa Rufino at Adelantado Street sa Legazpi Village, Makati City noong Mayo.

Matatandaang tampok si Rose—na kinikilala bilang Imburnal girl—sa isang episode ng Pinoy Pawnstars ni Boss Toyo kamakailan kung saan niya inamin ang tungkol sa umano’y paminsan-minsan niyang pagbibisyo. 

MAKI-BALITA; Imburnal Girl, nagbibisyo: 'Hindi naman araw-araw!'

Sa pahayag na inilabas ng DSWD nitong Lunes, Hunyo 9, sinabi ni Pag-abot Program Officer-in-Charge Deputy Program Manager Marilyn Moral na alam umano ng mga social worker ang pagbibisyo ni Rose.

Metro

Pasaherong PWD pinagbubugbog, sinakal sa loob ng bus

“Our social workers for Pag-abot program knew of Rose’s occasional use of illegal substance and as part of the conditions, she will undergo rehabilitation,” saad ni Moral.

Ayon sa kaniya, hindi umano dinidiskrimina ng DSWD ang mga indibidwal at pamilyang naninirahan sa kalsada na tinutulungan nila.

“Our social workers in partnership with other duty bearers handling the case management will see to it that there will be positive change in the lives of Rose and her partner so that they become productive members of the community ready for reintegration after the necessary interventions,” dugtong pa ng OIC Deputy Program Manager.

Samantala, buo naman ang kumpiyansa ni DSWD Rex Gatchalian na mapapalitaw nila ang “better version” ni Rose sa pamamagitan ng kanilang angkop na interbensyon sa kalagayan nito.

MAKI-BALITA: Babaeng lumabas sa isang imburnal sa Makati, bibigyan ng ₱80K