First task daw ni Heart sa PBB: Kausapin si SP Chiz tungkol sa impeachment-Balita

First task daw ni Heart sa PBB: Kausapin si SP Chiz tungkol sa impeachment

"Pinaglaruan" ng mga netizen ang anunsyong papasok bilang house guest sa Pinoy Big Brother: Celebrity Collab Edition si fashion icon at Kapuso star Heart Evangelista.

Makikita ang announcement sa opisyal na Facebook page ng PBB.

"THE FASHION ICON IS COMING SA BAHAY NI KUYA! " mababasa rito.

"Ang nag-iisang, Heart Evangelista, ang panibagong Houseguest na bibisita sa Bahay ni Kuya! "

"Ano nga kaya ang mga ganap at gagawin niya? Abangan sa PBB Celebrity Collab Edition. " saad pa.

Excited na ang fans at netizens kung ano nga kaya ang magiging ganap ni Heart sa PBB at kung ano ang magiging ambag niya sa celebrity housemates, na may final duo na.

Sa comment section ng post, mababasa ang "dogshow" ng mga netizen na sana raw, ang first task na ipagawa sa kaniya ni Kuya ay kausapin ang mister na si Senate President Chiz Escudero na simulan na ang nakabinbing impeachment trial ni Vice President Sara Duterte.

Matatandaang inuulan ng kritisismo ngayon si SP Chiz na asawa ni Heart dahil daw sa pagpapaliban ng impeachment trial kahit naisampa na ito ng House of Representatives.

Narito ang ilan sa mga reaksiyon at komento ng netizens:

"Hi, kuya. Pwede po task niyo kay Ms Heart, kausapin si Chiz Escudero about the impeachment HAHAHAHAHAHAH"

"First task: I persuade ng mga housemates si Heart na kausapin si Chiz Escudero na i push ang impeachment jk hahahahahah"

"First task: Ipaintindi kay Chiz ang kahulugan ng forthwith"

"Kuya Hindi Po dapat sa bahay niyo mag House guest si heart, dun Po sa house of the Senate siya kaylangan para maitama Ang desisyon ni chiz as senate pres."

"HUWAG NIYONG PALABASIN NG BAHAY NI KUYA HANGGA'T HINDI SINISIMULAN NG ASAWA NIYA ANG IMPEACHMENT"

"Nyiii. May time mag guest pero walang time para sabihan ang asawa na gawin ang trabaho nya sa senado"

Maging ang sikat na page na "Follow The Trend Movement (FTTM)" ay ginawan na rin siya ng meme.

"sana utusan siya ni kuya kausapin yung asawa niya tungkol sa impeachment," mababasa sa caption.

"kakausapin lang kung ano update kung tuloy ba o hindi. bat may nagtatatahol dito sa comment hahahhahaha," dagdag pa.

KAUGNAY NA BALITA: Heart Evangelista, papasok bilang PBB house guest

KAUGNAY NA BALITA: PH Political Science Assoc., binengga si SP Chiz; impeachment ni VP Sara, 'long-overdue na!'

PBBM, pinahahanap student athletes na nag-wacky ng mukha sa speech niya

Natatawang nagkomento si Pangulong Ferdinand 'Bongbong' Marcos, Jr. sa isang video clip kung saan makikita ang ilang babaeng student athletes na nag-wacky ng mukha habang nagtatalumpati siya para sa opening program ng 'Palarong Pambansa' kamakailan.Pero sa halip na magalit ay tila naaliw pa ang Pangulo sa kaniya.'No'ng opening ceremony ng Palarong Pambansa, eh may mga...

'Walang atrasan!' 2 senador, sinigurong tuloy ang impeachment trial sa Hunyo 11

Iginiit ng dalawang senador na matutuloy ang pagsisimula ng pag-usad ng impeachment trial ni Vice President Sara Duterte sa darating na Hunyo 11, 2025.Ayon kay Sen. Sherwin Gatchalian, wala raw ibang pagpipilian ang Senado kung hindi ituloy ang nakabinbing impeachment.“Wala namang choice ang Senado. Hindi ito desisyon ng mga senador. Ito ay constitutional responsibility ng mga senador,” ani...

15-anyos, patay sa pagsabog ng isang bagay na napagkamalang gold bar!

Patay ang 15-anyos na lalaki matapos sumabog ang isang umanong bomba na napagkamalang gold bar sa Bukidnon.Ayon sa mga ulat, natagpuan ng biktima ang isang bagay na inakala niyang gold bar. Kasama ang dalawa pang kaibigan na 18-anyos at 33 taong gulang, may ginupit daw sila bahagi ng natagpuang bagay at saka ito sumabog. Nakaligtas naman ang dalawang kaibigan ng biktima habang dead on arrival na...