VP Sara, 'tikom ang bibig' sa reconciliation kay PBBM

By Kate Garcia

May 31, 2025

In BALITA National

Tumangging magkomento si Vice President Sara Duterte hinggil sa usapin ng "reconciliation" kay Pangulong Ferdinand “Bongbong” Marcos, Jr.

Sa panayam kay VP Sara ng kanilang mga tagasuporta sa The Hague, Netherlands noong Biyernes, Mayo 30, 2025, iginiit ng Pangalawang Pangulo na hindi raw muna siya magkokomento sa pakikipagkasundo kay PBBM.

“Hindi na muna ako magsalita about reconciliation,” ani VP Sara.

Depensa pa niya, may mas mahalaga raw na dapat pagtuunan ng pansin kaysa sa mga personal na problema. “Dahil hindi naman siguro mahalaga ang mga personal na problema ng mga tao. Ang mas mahalaga is yung taumbayan at yung bayan natin,” aniya.

Matatandaang inihayag ni PBBM sa kaniyang podcast na bukas daw siyang makipagkasundo sa lahat ng kaniyang mga kaaway sa politika.

“Mr. President, kayo po ba sa puso ninyo, gusto n'yo po bang makipagkasundo pa sa mga Duterte?" tanong ni Anthony Taberna sa naturang podcast episode.

“Oo. Ayoko ng gulo. Gusto ko makasundo lahat ng tao. Marami na akong kaaway, hindi ko kailangan ng kaaway, kailangan ko ng kaibigan,” anang Pangulo.

KAUGNAY NA BALITA: PBBM, bukas na makipagkasundo sa mga Duterte: 'Ayoko ng gulo'

Samantala, nauna na ring linawin ng Palasyo na ang pakikipagkasundo raw na tinutukoy ng Pangulo ay hindi lamang nakasentro sa mga Duterte.

KAUGNAY NA BALITA: Palasyo, may nilinaw sa 'reconciliation' remark ni PBBM: 'Wag lamang mag-focus sa mga Duterte'

Orange warning, itinaas sa Metro Manila, mga kalapit na lugar

Itinaas na ng PAGASA sa orange rainfall warning ang Metro Manila at karatig na lugar dahil sa habagat at low pressure area (LPA) na kasalukuyang nakakaapekto sa bansa.Sa inilabas na 11:00 p.m. heavy rainfall warning no. 1 nitong Sabado, Hunyo 7, nakataas sa orange warning ang Metro Manila, Rizal, Bulacan, Batangas, at Cavite.Ibig sabihin, makararanas ang mga nabanggit na lugar ng matinding...

John Arcilla, umapela sa Millenials at Gen Z; pinapapalitan mga matatagal nang gov’t officials

Inamin ni award-winning actor John Arcilla ang pagkamamali ng henerasyon niya sa pagpili ng mga halal na opisyal.Sa latest Facebook post ni John nitong Sabado, Hunyo 7, nanawagan siya sa mga Gen Z at Millenials na palitan na lahat ng nasa pwesto na deka-dekada nang nakaupo sa gobyerno.“PANAHON nyo na MGA GEN-Z at MILLENIALS. Sa BAWAT darating na BOTOHAN, I’m sure malinaw na sa inyo ang...

Walang bollard? Van, aksidenteng sumampa sa loading area ng NAIA Terminal 2

Dumiretso hanggang sumadsad sa loading area ang isang van sa Terminal 2 ng Ninoy Aquino International Airport (NAIA) noong Biyernes, Hunyo 7.Ayon sa ulat, bandang 9:45 p.m. nang mangyari ang naturang insidente. Wala namang naitalang napinsala o nasaktan.Kasalukuyan nang iniimbestigahan ng mga awtoridad ang 56-anyos na driver ng van na ayon sa lisensya nito ay mula pa sa Zamboanga.Batay sa...