Mga nanalong senador, target maiproklama ng Comelec sa weekend

By Mary Ann Santiago

May 13, 2025

In BALITA Eleksyon

Target ng Commission on Elections (Comelec) na maiproklama na ang 12 winning senators para sa Eleksyon 2025 sa weekend o pagtatapos ng linggong ito.

Ayon kay Comelec Chairman George Erwin Garcia, maaaring sa Sabado, Mayo 17, o sa Linggo, Mayo 18, ay maisagawa aniya nila ang proklamasyon.

“Baka itong Sabado o Linggo, sana makapag-proklama na tayo ng senador,” aniya pa. “Mabilis naman eh. Tingnan niyo 98.9% na nga ang nandyan, kapiraso na lang ang kulang. Kahit siguro wala yung kulang basta maipadala sa amin sa national board perhaps baka wala ng effect ang natitirang results. Pero syempre kailangan ang Comelec 100% ang canvass. Walang kahit isa man na COC ang maiiwan pag nag-canvass ang Comelec.”

“Yes. Sana. Kung papasok lahat ngayon,” sagot pa niya, nang matanong ng mga mamamahayag kung ang Mayo 17 ba ang pinakamaagang petsa na target ng Comelec na makapag-proklama.

Hanggang nitong Martes ng tanghali, nasa 98.99% na ang ang nai-transmit na local election returns (ERs) sa Comelec transparency servers. Ito ay 92,453 ng 93,387 na inaasahang total ERs.

Nitong Martes ng hapon ay muli na rin namang nag-reconvene ang Comelec, na umuupo bilang National Board of Canvassers (NBOC), upang ipagpatuloy ang canvassing ng mga boto sa pagka-senador at party-list groups sa katatapos na midterm polls sa bansa.

Bagong halal na mayor ng Rizal, Cagayan 21-anyos pa lang; vice mayor, nanay niya

Maituturing daw na pinakabatang mayor sa buong bansa ang bagong proklamadong mayor ng Rizal, Cagayan na si Jamila Ruma, matapos makakuha ng 5,134 boto malayo sa mga nakalabang sina Ralph Mamauag na may 3,661 boto at Florence Littaua na may 170 boto.Si Jamila ay pumalit sa amang si Mayor Atty. Joel Ruma na siyang orihinal na tumakbo sa posisyon subalit pinatay sa kalagitnaan ng kampanya noong Abril...

Trillanes, talo kay Along; 'di raw kinaya pwersa ng pera ng kalaban

Tinanggap ng dating senador at tumakbong Caloocan City mayor na si Antonio 'Sonny' Trillanes IV ang pagkatalo niya kay incumbent Caloocan City Mayor Dale 'Along' Malapitan, na naproklama na nitong Martes, Marso 13.'Maraming salamat po sa ating mga kaibigan, supporters at volunteers na nakasama namin sa laban para sa pagbabago ng Caloocan,' pasasalamat ni Trillanes na...

Sam Verzosa, may mensahe para sa nanalong kalabang kandidato sa Maynila

Tinanggap na ng negosyante at kumandidatong mayor ng Maynila na si Sam 'SV' Verzosa ang kaniyang pagkatalo, na tumutukoy kay 'Yorme' Isko Moreno Domagoso.Aniya sa kaniyang Facebook post, 'Ngayong gabi, buong puso kong tinatanggap ang desisyon ng taumbayan. Bagamat hindi nangyari ang hinahangad nating resulta, ako po ay taus-pusong nagpapasalamat sa bawat isa sa inyo na...