Makahulugan ang bahagi ng talumpati ni "24 Oras" Kapuso news anchor Mel Tiangco nang tanggapin niya ang parangal bilang "Most Trusted TV Host for News and Current Affairs" ng 27th Reader’s Digest Trusted Brand Awards na ginanap noong Biyernes ng gabi, Abril 4, 2025, sa Marco Polo Hotel.
Ani Mel, na binigyang-diin din ng GMA Integrated news, masaya siyang "belong" o bahagi siya ng kompanyang maituturing na "most trusted network" sa bansa, batay na rin sa parangal ng Reader's Digest.
"I am truly blessed that I belong to the GMA Network and the GMA Integrated News, the most trusted network in the Philippines today," aniya.
"And of course the GMA Integrated News, whose leaders and all of its people: from writers, to the reporters, to the editors, to production assistants, to my co-anchors, even the cameramen and technical teams, we are all committed to the highest standards of trust, credibility, integrity, ethics, and responsibility in our individual specific tasks," dagdag pa niya.
Sharon Cuneta, ibinida ang kuwento sa likod ng pagbabawas ng timbang
Matatandaang kamakailan lamang ay binanatan ang GMA news matapos i-ulat mula sa isang reliable source na umano'y nagpasa ng asylum application si dating Pangulong Rodrigo Duterte sa pamahalaan ng China, bago mangyari ang pagdakip sa kaniya noong Marso 11, 2025 ng International Criminal Court (ICC) sa kasong crimes against humanity.
MAKI-BALITA: China, walang natanggap na asylum application sa kampo ni FPRRD
Ngunit giit naman ng isa pang GMA news anchor na si Arnold Clavio, imposibleng "fake news" ito dahil bago pa raw nila ilabas ang balita, tinitiyak muna nilang tama at dumaan ito sa masusing pagsusuri.
KAUGNAY NA BALITA: Arnold Clavio pumalag sa akusasyong 'fake news' asylum application ni FPRRD sa China
Samantala, pinarangalan naman ang Unkabogable Star at Kapamilya Star na si Vice Ganda bilang "Most Trusted Entertainment and Variety Presenter."
