Itinuloy ng tinaguriang "Revival King" at singer na si Jojo Mendrez ang pagsasampa niya ng kasong "grave threat" laban sa aktor at dancer na si Mark Herras, matapos umano siyang biruing "susunugin ang kaniyang bahay."
Kasama ang legal counsel, nagsadya si Mendrez sa Quezon City Prosecutor's Office, Biyernes, Abril 4, para pormal na sampahan ng kaso si Herras.
Tumanggi namang magsalita at magbigay ng anumang detalye ang singer-businessman tungkol dito, dahil hindi pa raw siya handang magsalita.
Matatandaang matapos umanong ipa-blotter ni Jojo si Mark dahil sa "grave threat" daw na baka sunugin nito ang bahay niya nang mabalitaan ang ibinigay raw na cellphone ng una sa dating kasamahan sa StarStruck na si Rainier Castillo, noong Martes, Abril 1 ay muling nagtungo sa isang police station sa Kamuning, Quezon City ang singer kasama pa ang dalawang managers at legal counsel upang magbigay ng affidavit at makapagsampa ng demanda laban kay Mark.
Sharon Cuneta, ibinida ang kuwento sa likod ng pagbabawas ng timbang
Hindi raw nagustuhan ni Mendrez ang pagbibiro sa kaniya ni Mark, at baka raw gamitin pa ito laban sa kaniya, lalo na umano sa "panghihingi ng pera."
Matatandaang naisyu pa sina Jojo at Mark noon matapos silang maispatang magkasama sa isang hotel.
Pero paliwanag ni Jojo, magkaibigan lamang sila ni Mark at "straight" siya.
Isa pa, kaya lamang daw sila nag-uusap ni Mark ay dahil sa kanilang "collaboration" na nahinto na rin.
Kaya marami ang nagulat nang si Rainier Castillo naman ang nakikitang kasama ni Jojo.
KAUGNAY NA BALITA: Mark Herras ipina-blotter na, idedemanda pa ni John Mendrez
Nagbigay naman ng reaksiyon tungkol dito si Mark, sa pamamagitan ng ipinadalang mensahe kay MJ Marfori, showbiz news reporter ng TV5, na naiulat din ng Philippine Entertainment Portal o PEP.
Aniya, published as is, "Okay lang naman yan & pasabi na lang po na marami diyan na di hamak mas sikat sakin kasi ako naman hindi na talaga haha."
"gagawa na lang ng issue yung halatang katarantaduhan pa."
"unang una dko ugali manakot ng tao kahit gawan ako ng issue or what dko ugali yan"
"I'd rather give my time & energy sa pamilya o kaya sa mga work/raket.."
"Sorry im the wrong guy para isama nyo or gawan nyo ng issue kasi dko kayo papatulan haha"
"at isa mga kasabihan nga eh 'always be the better person'"
"so yeah salamat enjoy whatever you guys are doing"
"madame akong ginagawa personal/work related"
"this will be the last time na sasagot ako sa issue lol thank you."
KAUGNAY NA BALITA: Mark Herras, sumagot na sa isyung pina-blotter at idedemanda siya ni Jojo Mendrez
Samantala, wala pang sagot o pahayag ang kampo ni Mark hinggil sa tuluyang pagsasampa ng demanda laban sa kaniya ng singer.
