Umani ng reaksiyon at komento ang latest Instagram post ni Lucena City Mayor Mark Alcala matapos niyang ibida ang pagbabakasyon niya.
Sa Instagram post ni Mayor Mark, simple lamang ang kaniyang caption subalit sinita ng mga netizen ang umano'y maling grammar nito.
Mababasa kasi sa caption ng post, "Reserving my peace."
Limitado lamang ang puwedeng magkomento sa post, subalit pinutakti na ito ng mga netizen at "grammar nazi" sa iba't ibang social media pages na nag-ulat at nag-share nito.
Si Kathryn daw ba? Taga-pic ni Mayor Mark sa 'reserving my peace' na bakasyon, hinuhulaan
Narito ang ilan sa mga okray ng netizens.
"Reserving talaga? Hindi pa preserving?"
"Ano pinaglalaban ni Mayor at pa Topless Topless siya? Mag edit muna siya preserved my peace as in preservation of peace, hindi reserved. Ano kaya conversation nila ni KB?"
"Reserving my peace? Naka reserve talaga. Parang upuan lang?"
"Sinong nag reserve? Hihihi. Preserve kasi yun koya"
"Nakakahiya yung lapse na 'reserve.' May time mamili ng topless shots pero walang time magproofread. Mayor yan ha."
"Sana maintaining na lang ginamit niya, hahaha, hayan, kulang kasi ng letter P nabash tuloy."
Bagama't maraming mga umokray, may mga nagtanggol naman sa kaniya at ipinaliwanag ang ibig sabihin ng alkalde.
"'Reserving my peace' can be interpreted as taking proactive steps to prioritize and protect your inner calm and well-being."
"Sana ginamit nya nalang 'Securing,' 'Safeguarding' or 'Maintaining' my Peace.. ('Reserving peace' ) generally means setting aside or ensuring a state of tranquility, stability, and freedom from conflict or disturbance. It can refer to maintaining peace in a general sense or specifically in a certain area or situation., pwede kasi gamitin sa Situation.."
"Andaming matatalino dito."
"Hahahahaha baka naman kasi mabait siya and malakas naman din ang dating, kayo naman, masyado kayo mapanghusga."
Samantala, bukod sa caption, ang isa pa sa mga palaisipan sa mga netizen ay kung sino ang kasama niya sa bakasyon, at kung sino ang kumuha ng mga larawan niya.
KAUGNAY NA BALITA: Si Kathryn daw ba? Taga-pic ni Mayor Mark sa 'reserving my peace' na bakasyon, hinuhulaan
Wala pang reaksiyon, tugon, o pahayag ang kampo nina Mayor Mark at Kathryn tungkol dito.
