Wala raw sa isip ni Asia’s Multimedia Star Alden Richards na pumasok sa mundo ng politika.
Sa ulat ng GMA Entertainment nitong Lunes, Marso 31, inamin ni Alden na marami na raw nangumbinsing kumandidato siya ngunit magalang niyang tinanggihan.
“Lagi ko pong sinasabi even though there's a lot of clamor for me running for politics, I can help people without being part of the government,” saad ni Alden.
“It's not because ayaw ko siya dahil mayroon akong mga hindi maganda about the system. It's not about that,” wika niya.
DepEd nagpaalala laban sa political campaigning sa graduation, moving up ceremony
Dagdag pa ng aktor, “The platform that I have right now is more than enough to reach out to people who are in need.”
Sa kasalukuyan, mas gusto raw niyang tutukan ang mga bagay na hindi lang limitado sa pag-arte tulad ng pangangasiwa sa kaniyang production company na Myriad Entertainment at sa AR Foundation.
