April 03, 2025

Home SHOWBIZ Tsika at Intriga

Charo muntik sibakin sa trabaho dahil kay Dolphy

Charo muntik sibakin sa trabaho dahil kay Dolphy
Photo courtesy: Charo Santos-Concio (IG)

Nagbahagi ng kuwento ang aktres at dating ABS-CBN President na si Charo Santos-Concio patungkol sa pumanaw na si Comedy King Dolphy.

Ang siste, muntik na raw siyang mapaalis sa kaniyang trabaho sa ABS-CBN noong bandang 80s, dahil kay Pidol.

Kuwento ni Charo, bumalik si Dolphy sa Pilipinas mula sa US at tinawagan siya dahil sa pagnanais niyang bumalik sa telebisyon. Agad daw niyang kinausap ang kaniyang boss na hindi na niya binanggit kung sino.

"I went to my boss 'Sir, ibalik natin si Mang Dolphy.' 'Ano ka ba, hindi ka ba nag-iisip? Tatlong taon nang wala 'yan, nakalimutan na 'yan ng tao.' 'Sir -- hindi. As far as I'm concerned he is the King of Comedy.' Sabi ni Sir, 'Malaking risk 'yan, eh kung hindi mag-rate 'yang programa ni Dolphy?' 'Sir, 'pag hindi nag-rate 'yang programa ni Dolphy, you can fire me.' Parang natulala ako sabi ko, 'Bakit ko ba sinabi 'yon?' Wala ng urungan ito," aniya.

Tsika at Intriga

Pagpasok ni Michelle sa PBB, senyales kay Klarisse sa pag-come out

"I got the best team and gathered the right casting combination. 'Pag 'yong boss ko raw hindi natawa in five minutes, umuwi na raw ako, mag-resign. Sa awa ng Diyos, in the first five minutes, nadinig namin 'yong halakhak ng aming top boss. Umuwi na po ako dahil alam ko, may trabaho pa rin ako," dagdag pa.

Ang tinutukoy ni Charo na TV show na nagpabalik kay Dolphy sa telebisyon ay "Home Along Da Riles" na talaga namang pumatok na sitcom at nagawan pa nga ng movie version.

"And sa pilot episode pa lang po ng 'Home Along Da Riles,' it became the number one program on primetime in ABS-CBN and it remained number one for the next 17 years. Kayo ano ang memories n'yo of 'Home Along Da Riles?" aniya pa.