Tila napaluwas bigla nang wala sa oras ang aktres na si Cristine Reyes mula Baguio pa-Manila matapos mabalitaan ang nangyari sa kaniyang stepfather.
Sa latest Instagram story ni Cristine noong Biyernes, Marso 13, inilahad niya na nagising daw siya sa mga dumating na tawag at text sa kaniya.
“From Baguio to Manila. Nagising ako sa tawag at texts na nag-agaw-buhay si daddy. Tumakbo agad ako sa ospital para makita kondisyon niya,” saad ni Cristine.
Dagdag pa niya, “Lumalaban pa rin si daddy…walang imposible.”
Pag-amin ni Klarisse De Guzman: 'I'm not straight, I am bi!'
Bagama’t walang ibinigay na anomang detalye tungkol sa dahilan ng pagkakaospital ng kaniyang ama-amahan, kasalukuyan na itong nasa World Citi Medical Center.
Matatandaang naospital na rin ang ama-amahan ni Cristine noong Hulyo 2023 sa parehong ospital na binanggit.
