Wala pang isang araw matapos pumasok sa loob ng Bahay ni Kuya, isa sa mga pinag-uusapan na ng netizens ang pagiging housemate ng social media personality at Star Magic artist na si "Esnyr," para sa "Pinoy Big Brother Celebrity Collab Edition" nitong Linggo, Marso 9.

At talaga namang naglabas na agad ng pagiging kuwela niya si Esnyr matapos ang pakikihalubilo niya sa housemates, lalo na sa male housemates.

Usap-usapan na nga ang sinabi ni Esnyr na malabo raw ang mata niya pero nang makita niya si Sparkle artist Will Ashley.

Ayon kasi kay Will, 175 daw ang grado niya sa kaliwang mata habang 150 naman sa kanan, na may kasama pang astigmatism.

Events

Sharon kung bakit 'di dumadalo sa ABS-CBN Ball: 'I was always so fat!'

"Hala, same! Ako 200 with astigmatism..." sundot naman ng social media personality.

"You can't see?" tanong naman ni Will.

Biglang sundot ni Esynr, "Pero kita ko pa rin kaguwapuhan mo!"

Umani naman ito ng iba't ibang reaksiyon at komento mula sa netizens.

"Same 220 with astigmatism pero ang linaw linaw ng mata ko kapag nakakakita ng pogi hahahahaha."

"Nakakakita pa yang 200 ang grado ng mata…pero kapag 600, yan para ka nang bulag"

"Hahahahaha same tayo!"

"HAHAHHA Buti pinasok si esnyr, may pang good vibes sa outside world."

"Buti pinasok nila si Esnyr ang saya hahahaha."

MAKI-BALITA: KILALANIN: Kapuso at Kapamilya housemates sa Bahay ni Kuya