Kumakalat ang screenshot ng umano'y paliwanag ng female participant sa match-making online game show na "Pusuan or Laruan" kung saan umani ng reaksiyon at komento mula sa netizens ang nasabi niya patungkol sa "family-oriented."
Sa episode 12 ng game show, ang eligible bachelor na nagsilbing guest ay ang VMX actor at event host na si Nico Locco, na umere noong Marso 5.
Nag-pop ng lobo ang female participant na si "Moon" nang sabihin ni Nico na ilan sa mga katangian ng hinahanap niya sa isang babae ay "family-oriented."
Nang usisain naman nina Marion at Nico kung bakit siya nag-pop ng balloon, paliwanag niya, "I'm 21 and when you mentioned you're family-oriented, I realized like I'm not ready..."
Barbie, ibinida pics nila ni FL Liza: 'Thank you Madam for inviting me!'
Sundot ni Marion, "What do you mean by that?"
Tugon pa ni Moon, "Like I’m not ready to be..."
Pero sundot naman ni Nico, "Oh, so I think, you misinterpreted the meaning of family-oriented. When I say family-oriented, love ko 'yong family ko. Love ko 'yong mom ko, love ko 'yong dad ko. Sobrang close ko sa family ko, that's what I mean, it's not gusto ko ang pamilya."
"Just close to your family but not like to start a family," segunda naman ni Marion.
Nang tanungin ni Marion kung gusto ba niyang ibalik ulit ang naiputok na lobo, sagot ng babaeng participant, "I'm alright. Actually from earlier, when you mentioned that you need a right woman for you to be, you know, better like I also think that you should also be better for yourself like you don't need anyone..."
"Tama, tama, I agree with that," tugon naman ni Nico. Paliwanag naman ng aktor, ang sinasabi niya, tama naman na maging better person sa sarili subalit kapag may tamang partner, magiging best naman ito.
Samantala, umani naman ng reaksiyon at komento ang ibang interpretasyon daw ni Moon patungkol sa "family-oriented."
"Idk if it's really her account pero wag naman tayo gumawa ng reason para masira ang mental health ng ibang tao dahil sa simpleng pagkakamali."
"She should just laugh it off and let it die down. Everyone will forget about her when another actor is caught cheating. She's not even the flavor of the week, englishera and the dog boy are more bash worthy."
"Baka lang iba ang pagkakaalam niya sa ibig sabihin ng family-oriented hahaha."
"Ano na ba nangyayari hahaha, noong nakaraan, hindi alam meaning ng Comelec, tapos hindi pa nga tapos kay Englishera Girl, ito naman hahaha."
"Sino ba kasi nagpauso ng Pusuan or Laruan na 'to? Hahaha."
"I believe the same. For me yun hindi nya pagkaintindi ng meaning ng family oriented is no big deal. Hindi naman sya nakitaan ng kayabangan or any masamang ugali. Di ko nga gets why people are bashing on this girl. Yun nakakainis talaga si Englishera and si Golden retriever boy."
"i feel bad for ppl on that show getting picked on by social media for simple mistakes gets ko pa yung hate sa pagiging uninformed sa COMELEC sa girl dun sa showtime, pero family oriented really?? bawal magkamali ba huhu ayaw niyo dun sa englishera pero pag di magaling sa english babash din?"
"Imo, she should've just kept quiet and let that 'viral moment' die down. Altho mapapa-wtf ka sa sinabi nya, at least hindi naman kasing lala nung kay golden ret boy and englishera"
"Maybe in this generation, they use a different term instead of "family-oriented," but given that she’s an achiever, she should have known the actual meaning of the term."
MAKI-BALITA: Female participant sa 'Pusuan or Laruan,' inokray dahil sa 'family-oriented'
Samantala, kumakalat nga ang paliwanag ni Moon patungkol dito.
Mababasa sa umano'y comment post niya, "Hi guys! This is Moon. I had a feeling this would happen (my clip going viral), kaya I’m here to explain that this was just an honest mistake. I was just tired and dissociating, so I misinterpreted the word the wrong way. I was there since 6 AM, and we finished around 8 PM (we shot two episodes). I do know what that word means—sadyang nagkamali lang ako saglit. I don’t think this should be a big deal for a teensy mistake… I guess I’ll accept the fact that I’ll be receiving hate comments from now on, but I hope you’ll still choose to be kind.”
“It’s just hard kasi I’m receiving a lot of bullying na at a very young age. I’m just fortunate that my family and friends are there for me. To be honest, since I was young, I was abused and pressured to achieve high grades, kaya right now I’m an achiever (I have proof po, uhuh). Sad lang na one mistake can lead to this."
Kung bibisitahin naman ang Facebook account ni Moon, mapapansing wala siyang post na kahit ano patungkol dito.
Nakipag-ugnayan ang Balita kay Moon upang kumpirmahin kung siya ba talaga ang nag-post nito subalit wala pang tugon o kumpirmasyon mula sa kaniya. Bukas ang Balita sa kaniyang panig.
