Nagpaunlak daw ang Kapuso star na si Rhian Ramos na dumalo sa isasagawang Bakery Fair 2025 na isasagawa sa World Trade Center, Pasay City, mula Marso 6 hanggang 8.
Batay sa ulat ng Philippine Entertainment Portal o PEP, ipakikita ni Rhian kung paano niya bine-bake ang kaniyang nag-viral na Bas Bake Cookies.
Matatandaang nagwala ang social media sa mga larawan ni Rhian habang nagbe-bake ng kaniyang cookies, na bukod sa mukhang masasarap, ay dahil nakasuot lamang siya ng bikini.
MAKI-BALITA: Rhian Ramos nagpatakam ng choco cookies habang nakabikini
Jackie Forster nagparinig tungkol sa 'manipulation' at 'walang accountability'
Ayon daw sa presidente ng Filipino-Chinese Bakery Association, Inc. (FCBAI) na si Mr. Christopher Ah, umokay raw si Rhian nang imbitahan nila siyang dumalo sa nabanggit na fair, na inaasahang dadaluhan ng mga baker sa Pilipinas at iba pang mga bansa.
"Sa lahat ng gustong makatikim ng cookie ni Rhian, pumunta kayo sa Bakery Fair,” pabirong pahayag daw ni Mr. Ah, sa naganap na media conference para sa nabanggit na fair noong Miyerkules, Pebrero 26, sa Quezon City.
Pero disclaimer daw ng president ng FCBAI, nagbibiro lamang daw siya at huwag naman daw sanang magalit si Rhian sa kaniyang hirit, nang tanungin siya kung natikman na raw ba niya ang cookie ni Rhian.
“Huwag po sana magalit sa akin si Rhian, nagbibiro lang po ako,” hirit daw ni Mr. Ah.
Samantala, wala pang tugon, reaksiyon, pahayag, o kumpirmasyon mula kay Rhian kung totoo bang pupunta siya sa fair.
