Nagbigay ng suporta ang pamunuan ng Camarines Sur Polytechnic Colleges (CSPC) sa kanilang campus publication na kamakailan ay pinaratangan umanong “fake” at “bias” ni Camarines Sur 2nd District Representative Lray Villafuerte dahil sa resulta ng isinagawang 2025 Midterm Elections Preference Polls.
Si Villafuerte ay tumatakbo sa pagkagobernador ng lalawigan. Sa naturang survey, makikitang tila naungusan si Villafuerte ng kalaban niyang si Bong Rodriguez na noo’y regional campaign manager ni dating Vice President Leni Robredo.
Ngunit ayon sa inilabas na pahayag ng TheSPARK, pinabulaanan nila ang naturang alegasyon at sinabing hindi raw sila ginagamit ng ibang tao para bayaran.
Kaya sa Facebook post ng CPSC nitong Lunes, Pebrero 10, matatag silang tumindig laban sa anomang anyo ng panunupil, pang-aabuso, o paghihinganti sa mga estudyanteng mamamahayag na ginagamit ang karapatan.
7-anyos na batang babae, ginahasa at itinapon sa balon
“CSPC believes that a free press is vital to building a progressive and informed academic environment, as it fosters truth, reinforces democratic values, and empowers society,” pahayag nila.
Dagdag pa ng pamunuan, “The CSPC Administration is actively coordinating with relevant authorities and stakeholders to address concerns arising from the issue to protect the rights and security of our students.”
Sa huli, tiniyak ng CSPC ang kanilang pangakong protektahan ang mga sumusunod tulad ng academic freedom, culture of responsible and independent journalism sa loob ng CSPC.
Matatandaang sa naunang pahayag ng nasabing kolehiyo ay tila naghugas-kamay ang pamunuan sa isyung kinasangkutan ng TheSPARK.
Anila, “The Administration of Camarines Sur Polytechnic Colleges (CSPC) wishes to clarify that the recently released 2025 Midterm Elections Preference Polls, conducted by The SPARK, the official student publication of CSPC, was carried out as part of its independent journalistic activities.”
MAKI-BALITA: Pagpalag ni Cong. Lray Villafuerte sa campus journalist, inulan ng reaksiyon
