Nakakaloka ang rebelasyon ng beauty queen-Kapuso actress na si Herlene Budol patungkol sa dalawang leading men sa bagong Kapuso afternoon series na "Binibining Marikit," sa isinagawang media conference noong Lunes, Pebrero 3.
Sa ulat ng Philippine Entertainment Portal o PEP, walang kiyemeng nagpakatotoo si Herlene sa experience niya sa kissing scene sa dalawang leading men sa show na si Kapamilya actor Tony Labrusca at Thai-Irish model Kevin Dasom.
Ito ang kauna-unahang teleserye ni Tony sa GMA Network na nasa ilalim pa rin ng pamamahala ng Star Magic ng ABS-CBN.
Inilarawan ni Herlene ang naging kissing scenes nila nina Tony at Kevin. Masaya raw siya dahil dalawang guwapong leading men ang nakalaplapan niya!
Maris, Anthony 'pinatawad' ng netizens dahil sa Incognito: 'Mahusay talaga sila!'
“Sangkabaklaan, sangkababaehan, pangarap malaplap tong Tony Labrusca na 'to! Naku! Huwag na tayo magpaligoy-ligoy pa... Excuse po to my mouth! Kasi naman pinairal naman 'tong kalandian nito,” kuwelang sey ni Herlene habang natatawa raw si Tony.
“Napakasuwerte ko dito sa Binibining Marikit na to! Ang babango ng hininga. Basta, hindi natin alam kung sino dito ang best kisser. Kasi dalawa sila, nalaplap ko! Oo! Professional na professional. Talagang nag-take advantage na lang ako. Pero nagpaalam naman ako," pahabol pa ni Herlene.
