Nagbigay ng reaksiyon si Kapamilya actress Ivana Alawi kaugnay sa “sagpangan” nila ng “Love Is Never Gone” co-star niyang si Joshua Garcia.
Sa ginanap kasing press conference ng naturang teleserye noong Martes, Abril 28, pina-rate kay Ivana ang halik ni Joshua sa kaniya.
"Ten,” sagot ni Ivana. “Kasi nakita n’yo, siya ‘yong talagang grabe….Ang laki ng bibig niya.”
“Ta’s sabi ko, ‘Hoy, grabe kang sumipsip! ‘Yong lipstick ko nawawala.’ Ayun, okay naman. Magaling, magaling siya,” dugtong pa niya.
Ayon kay Ivana, tagumpay nilang nagawa ang kissing scene nila ni Joshua sa gabay ng direktor ng serye na si Emmanuel Quindo Palo.
Resbak sa Primetime? Robin Padilla balik sa pag-arte, eeksena sa 'Blood vs Duty'
“Dinirek niya pati kung papaano ‘yong paghalik. Nakikinig kami,” saad ng aktres.
Samantala, kung ire-rate naman daw ni Joshua ang halik ni Ivana, bibigyan niya ito ng markang 9.
“May room for improvement,” natatawang sabi niya.
Matatandaang nauna nang kinumpirma ni Ivana na totoo nga ang bali-balitang si Joshua talaga ang “Higop King.”
Maki-Balita: Higop King Supremacy! Leading ladies na 'hinigop' ni Joshua Garcia sa teleserye
Binansagang “Higop King” si Joshua dahil sa grabehang kissing scene niya sa kaniyang mga naging leading lady sa mga nagawang teleserye kabilang sina Janella Salvador, Jane De Leon, Jodi Sta. Maria, Gabbi Garcia, at iba pa.
