Nausisa si Asia’s Songbird Regine Velasquez kaugnay sa pagkalas ni SB19 member Stell Ajero bilang guest sa kaniyang concert na pinamagatang “RESET.”
Sa latest episode ng “Showbiz Updates” noong Huwebes, Enero 23, sinabi ni Regine na unang beses daw silang nag-anunsiyo ng guest sa concert.
“First time naming mag-announce ng guest. Tapos naging gano’n pa. Kasi normally, we don’t even announce our guest in any of my concert. Hindi lang namin ina-announce para surprise.,” saad ni Regine.
Dagdag pa niya, “‘Yong kauna-unahang beses na nag-announce kami, nagkaroon pa ng miscommunication. So, okay lang. Nangyayari naman talaga ‘yon minsan.”
KC Concepcion, Aly Borromeo nagkabalikan?
“Pero bakit sinabi mo do’n sa isang message mo na ‘I little bit disappointed?’” sundot ni Ogie.
Sagot naman ng Asia’s Songbird, “Disappointed talaga ako dahil I’m very excited to sing with Stell and we were going to do ‘Sometimes, Somewhere.’”
Paglilinaw ni Regine, hindi raw siya kay Stell nadismaya kundi sa nangyaring sitwasyon.
Matatandaang conflict sa schedule ang sinabing dahilan kung bakit hindi na umano matutuloy pa si Stell bilang guest performer sa nasabing concert na nakatakdang mangyari sa Pebrero 21.
