Usap-usapan ng mga netizen ang video ng Kapamilya actress na si Chie Filomeno matapos siyang batuhin gamit ang pen habang kinakapanayam ng dalawang hosts sa isang event.
Sa nabanggit na video na ibinahagi ni "Setrocal tv," tumama ang puting pen sa binti ni Chie habang iniinterbyu siya ng dalawang hosts. Bakas din sa mukha ng Kapamilya actress ang pagkagulat sa nangyari, gayundin ang dalawang kasama.
Makikitang "the show must go on" lamang ang tatlo matapos magulat sa biglang pagsulpot ng pen. Hindi naman ipinakita sa video kung ano ang sumunod na hakbang ng kampo ni Chie sa nabanggit na pambabato.
Hindi naman ito nagustuhan ng mga netizen at hinikayat si Chie na magsampa ng kaukulang kaso laban sa nambato sa kaniya.
Di na alam salitang love life: Piolo 13 years na palang single, bakit kaya?
"Sa mga atty dito, pwede ba magsampa ng kaso si Chie dito? Assault?"
"Bastos ng taong yun sobra, di nya ko fan pero nagtttrabaho lang sya"
"kahit ayaw mo sa isang tao hindi mo kailangan manakit"
"Napakawalang modo naman nun"
"Ang sakit namn nyan. Nagta trabaho ka lang ganyan kung bastusin. Sana maaresto."
"Parang ilang beses na syang naganyan. Kawawa naman si chie."
"it's okay to disagree but never let your hate overcome your humanity"
"Lawsuit should be filed. Ito yung point ni Lea Salonga, hindi lahat ng fan is a fan with good intentions. Remeber Selena and yung isa pang singer killed by a so called fan daw. Kawawa naman si Chie. Traumatizing yang ganyan na may galit sayo yung taong di mo personal na kilala. She has to be extra careful."
Samantala, wala pang tugon, reaksiyon, o pahayag ang kampo ni Chie tungkol dito. Bukas ang Balita sa kanilang panig.
