Nagbigay ng reaksiyon si Unkabogable Star Vice Ganda sa viral video ng “It’s Showtime” co-hosts niyang sina Darren Espanto at Jackie Gonzaga.
Lumutang kasi sa social media noong Disyembre ang isang video clip kung saan makikitang sinayawan at pinatungan ni Jackie si Darren.
MAKI-BALITA: Jackie Gonzaga, pinatungan si Darren Espanto
Sa isang episode ng “It’s Showtime” noong Biyernes, Enero 3, ikinuwento ni Vice Ganda na sinabi pa raw ni Jackie ang tungkol sa naturang video.
Rayver, proud kay Julie Anne matapos manalo sa Aliw Awards
“Tawag siya agad, e. ‘Meme, may video na naman ako.’ Send mo sa akin, patingin. Okay lang ‘yan, magkakapatid tayo dito,” lahad ng Unkabogable Star.
Biro pa niya, “Buti na lang wala ako. Paano kung sa akin siya sumayaw? Baka nasampal ko ‘yan.”
Matatandaang minsan na ring sinita si Jackie ni Vice Ganda matapos kumalat ang video clip niya kung saan mapapanood ang pagsayaw niya sa isang disco sa saliw ng kantang “Make Me Sweat” ni Kat DeLuna.
MAKI-BALITA: Vice Ganda, sinita pagsayaw ni Jackie Gonzaga sa disco
