Kapansin-pansing wala sa inilabas na grand media day poster ng “And the Breadwinner Is…” sina Maris Racal at Anthony Jennings, na patuloy na iniintriga ng mga netizen.
Isa sa mga official entry ng 50th Metro Manila Film Festival (MMFF) ngayong 2024 ay ang nabanggit na pinagbibidahang comeback movie ni Vice Ganda, kasama ang MaThon, tawag sa tambalan nina Maris at Anthony.
Gabi ng Huwebes, Disyembre 5 ang grand media day para sa nasabing pelikula, ngunit sa inilabas na poster sa gabi ng Miyerkules, Disyembre 4 wala ang mga larawan at pangalan nina Maris at Anthony.
Maraming netizens naman ang nang-intriga sa comment section lalo't nasa mainit na sitwasyon ngayon ang dalawa dahil sa pagsisiwalat ng ex-girlfriend ni Anthony na si Jam Villanueva tungkol sa umano'y "cheating" ng dalawa sa kaniya. Pinutakte ng mga mapang-asar at negatibong komento ang post ng ABS-CBN Film Productions Inc. (Star Cinema) nang dahil sa dalawa. Kakikitaan din ng maraming laugh reacts ang nasabing post.
Julia Montes, dinaig sa bakbakan si Coco Martin
Maraming nagsasabi na mukhang maboboycott ang pelikula ni Vice kahit maganda ang istorya nito dahil sa kinasasangkutan na issue ng dalawa.
Narito ang iba't ibang komento ng netizens:
“may na eliminate”
“Smart move na hindi sila isama kung hindi bad publicity agad sa movie.”
“Ah hindi sumama sila Maris at Anthony?”
“HAHAHAHAHAHAH MAY NAWAWALA”
“uy tinanggal hahahahaa good”
“Wala po si "youre sexy in person" at si "pag miss ng dogs ung amo nila or someone, niyayakap nila ung mga clothes"?”
“Kung alam lng ni Meme ang pinag gagawa ng 2 di nya yan isasama sa Pelikula n makakasira sa entry nya sa MMFF”
“Mahal ko si meme lahat ng movie niya halos pinapanuod ko ng paulit-ulit, ngayon my new movie siya na kasama si maris at anthony na redlag ayoko nalang manuod. THE KINGDOM.NA LANG”
“This is a family story, nakakalungkot naman if madadamay ang movie sa kalandian ng 2 casts! Tama yan! With or without them, this movie is already a successful one.”
“When Vice don’t tolerate any cheating issues.. tinanggal agad yung dalawa hahahahahha”
“Kaya paba reshoot scenes ng dalawa? I mean distracting while watching the film pag scenes na nila tas sasagap talaga sa isipan ng mga manonood yung issue ng dalawa and that affects the viewing experience also. Just saying hehe”
Matatandaang Disyembre 3 ng gabi nang tuluyan ng basagin ni Jam Villanueva ang kaniyang katahimikan patungkol sa tunay na dahilan ng pagkakahiwalay nila ng kaniyang ex-boyfriend na si Anthony Jennings.
Nag-viral ang screenshots na naibahagi ni Jam sa kaniyang Instagram stories wala pang 24 oras ay iba't ibang meme na rin ang nagsulputan sa magkakaibang social media platform.
Maging si Vice Ganda ay tila humirit na rin sa nabanggit na isyu.
Sa episode ng “It’s Showtime” Miyerkules, Disyembre 4, bago magsimula ang segment na “And the Breadwinner is…” ay bumati muna ang mga hosts sa madlang people.
“Madlang people! So ano na nga? Ano nang plano niyo sa sa darating na Pasko? Magplano na kayo para sa Pasko. Hindi ‘yong basa kayo nang basa ng mga ganap sa Twitter! Oh my God!” hirit ni Vice sa audience
Sa kasalukuyan, habang isinusulat ang artikulong ito wala pang opisyal na pahayag mula sa kampo nina Maris, Anthony at Vice ukol sa dahilan kung bakit wala ang MaThon sa Media Day ng kanilang pelikula.
Mariah Ang
